టాలీవుడ్ యంగ్ అండ్ టాలెంటెడ్ హీరో నిఖిల్ నటించిన తాజా చిత్రం ‘కార్తీకేయ-2’. చందు మొండేటి దర్శకత్వంలో తెరకెక్కిన ఈ పిక్చర్ వచ్చే నెల 22న విడుదల కానుంది. ఈ క్రమంలోనే మేకర్స్ ఫిల్మ్ ను వినూత్నంగా ప్రమోట్ చేస్తున్నారు.
సూపర్ హిట్ ఫిల్మ్ ‘కార్తీకేయ’కు సీక్వెల్ గా వస్తున్న ‘కార్తీకేయ-2’లో బోలెడన్ని సర్ ప్రైజ్ లు ఉన్నాయని మేకర్స్ చెప్తున్నారు. ఇప్పటికే విడుదలైన ఈ సినిమా ఫస్ట్ లుక్, పాత్రల పోస్టర్స్ సినిమాపైన అంచనాలను భారీగా పెంచాయి.
ఈ క్రమంలోనే టీజర్ విడుదల తేదీని మూవీ టీమ్ వినూత్నంగా ప్రకటించింది. సోషల్ మీడియా వేదికగా ఓ వీడియో విడుదల చేసింది. సదరు వీడియోలో లారీ ముందర నిఖిల్ పడుకుని ఉండగా, లారీలో అనుపమా పరమేశ్వరన్ కూర్చుని ఉంది. పక్కకు శ్రీనివాస్ రెడ్డి, వైవా హర్ష ఉన్నారు. అంతలోనే ఈ నెల 24న టీజర్ విడుదల చేయబోతున్నామని తెలిపారు. బాలీవుడ్ సీనియర్ యాక్టర్ అనుపమ్ ఖేర్ ఈ చిత్రంలో కీలక పాత్ర పోషించగా, ఫిల్మ్ పై ఫుల్ ఎక్స్ పెక్టేషన్స్ ఉన్నాయి.
