కన్నడ రాకింగ్ స్టార్ యష్ హీరోగా ప్రశాంత్ నీల్ డైరక్షన్ లో వస్తున్న సినిమా కె.జి.ఎఫ్. గోల్డ్ మైన్ స్కాం నేపథ్యంలో సాగే ఈ సినిమా టీజర్ సినిమాపై ఆసకి పెంచింది. భారీ హంగులతో భారీ బడ్జెట్ తో తెరకెక్కిన ఈ సినిమా తెలుగు, తమిళ, హింది, మళయాళ భాషల్లో రిలీజ్ చేస్తున్నారు. డిసెంబర్ 21న రిలీజ్ అవుతున్న ఈ సినిమా ట్రైలర్ రిలీజ్ చేశారు చిత్రయూనిట్.
అనుకున్నట్టుగానే కన్నడ పరిశ్రమలో భారీ బడ్జెట్ సినిమాలను తలదన్నేలా ఈ మూవీ మేకింగ్ ఉంది. యాక్షన్, సెంటిమెంట్ మేళవించి సినిమా తెరకెక్కించాడు దర్శకుడు ప్రశాంత్. ఇక ఈ సినిమా ప్రమోషన్స్ లో దర్శక ధీరుడు రాజమౌళిని వాడుతున్నారు. వారాహి చలన చిత్ర బ్యానర్ కె.జి.ఎఫ్ తెలుగు వర్షన్ రిలీజ్ చేస్తుంది. అందుకే ఈ నెల 9న కె.జి.ఎఫ్ ప్రీ రిలీజ్ ఈవెంట్ కు రాజమౌళి గెస్ట్ గా వస్తున్నాడట.
రాజమౌళి చీఫ్ గెస్ట్ అంటే ఇక ఆ సినిమాకు బీభత్సమైన పబ్లిసిటీ వచ్చినట్టే. డిసెంబర్ 21న కె.జి.ఎఫ్ తో రెండు తెలుగు సినిమాలు పోటీ పడుతున్నాయి. మరి వాటిని తట్టుకుని కె.జి.ఎఫ్ తెలుగులో నిలబడుతుందా లేదా అన్నది చూడాలి.
