టాలీవుడ్ ఇండస్ట్రీలో హీరో బాలకృష్ణ, దర్శకుడు బోయపాటి శ్రీను కాంబినేషన్ అంటే నందమూరి అభిమానులకు పండగే. గతంలో వరుస ఫ్లాపుల్లో ఉన్న బాలయ్యకు ‘సింహా’ వంటి బ్లాక్ బస్టర్‌తో మంచి సక్సెస్ అందించాడు బోయపాటి శ్రీను. ఆ తర్వాత వీళ్లిద్దరి కాంబోలో వచ్చిన ‘లెజెండ్’ మూవీ అంతకు మించిన సక్సెస్ సాధించింది. ఇక బాలయ్య, మాస్‌ డైరెక్టర్‌ బోయపాటి శ్రీను కాంబినేషన్‌లో వస్తోన్న హ్యాట్రిక్‌ చిత్రం పూజా కార్యక్రమాలు కూడా ప్రారంభించేశారు.
అయితే ఈ చిత్రానికి సంబంధించి ఓ వార్త సినీ వర్గాల్లో తెగ చెక్కర్లు కొడుతుంది. అదేంటంటే ఈ సినిమా కోసం నటీ, బుల్లితెర యాంకర్ రష్మీ గౌతమ్ కనిపిస్తారని ఇండస్ట్రీలో టాక్ నడుస్తోంది. సినిమాలో ఓ ముఖ‌్య పాత్ర కోసం దర్శకుడు బోయపాటి రష్మీని అడిగారట. బాలయ్య సినిమాలో చాన్స్ రావడంతో అది కూడా బోయపాటి ఆమెను అప్రోచ్ కావంతో ఓకే చెప్పిందని సమాచారం. ఇది గ్లామర్ తో కూడిన ప్రత్యేక పాత్ర అని తెలుస్తోంది.
