మెగా స్టార్ చిరంజీవి నట వారుసుడిగా చిరుత సినిమాతో టాలీవుడ్ లో కి ఎంట్రీ ఇచ్చి వరుస సినిమాలతో దూసుకుపోతున్నాడు రామ్ చరణ్(ram charan). ప్రస్తుతం దర్శకధీరుడు జక్కన్న దర్శకత్వంలో వస్తున్న మల్టీస్టారర్ RRR సినిమాతో ప్రేక్షకుల ముందుకు వచ్చేలా ప్రణాళికలు సిద్ధం చేసుకుంటున్నాడు. ఈ మూవీలో రామ్ చరణ్ తో పాటు మరో టాలీవుడ్ స్టార్ హీరో ఎన్టీఆర్ కూడా నటిస్తున్నాడు. ఇప్పటికే ఈ మూవీపై ప్రేక్షకుల్లో భారీగా అంచనాలు పెరిగిపోయాయి. నిర్మాణం చివరకు వచ్చిన ఈ మూవీని సాధ్యమైనంత త్వరగా ప్రేక్షకుల ముందుకు తీసుకువచ్చేందుకు నిర్మాతలు ప్లాన్ చేస్తున్నారు. మెగా పవర్ స్టార్ రామ్ చరణ్ ఈ మూవీ సెట్స్ పై ఉండగానే భారీ చిత్రాల దర్శకుడు శంకర్ తో మరో మూవీని కూడా పట్టాలెక్కించాడు. RRR మాత్రమే కాకుండా ఈ హీరో తన తండ్రితో కలిసి కొరటాల శివ చేస్తున్న ఆచార్య మూవీని నిర్మిస్తూ… అందులో మెరువనున్నాడు. ఇందులో రామ్ చరణ్ పాత్ర నిడివి తక్కువే అయినా ఆయన పాత్ర గుర్తుండిపోయేలా ఉంటుందని టాక్. ఈ మూవీలో చరణ్ కు జోడీగా బుట్టబొమ్మ పూజా హెగ్డే నటిస్తుంది.
శంకర్ డైరెక్షన్ లో ఈయన చేసే మూవీ కోసం స్టార్ రైటర్ గా పేరుతెచ్చుకున్న సాయిమాధవ్ బుర్రాని డైలాగ్ రైటర్ గా ఎంపిక చేశారట. ఈ విషయాన్ని చిత్ర యూనిట్ అఫీషియల్ గా నిర్ధారించింది. సోషల్ మీడియా వేదికగా రైటర్ సాయి మాధవ్ స్పందిస్తూ… శంకర్ లాంటి స్టార్ డైరెక్టర్ తో కలిసి పని చేసే అవకాశం రావడం అదృష్టంగా భావిస్తున్నట్లు తెలిపారు. ఈ మూవీని టాలీవుడ్ బడా నిర్మాత దిల్ రాజు నిర్మించనున్నాడు. అంతే కాకుండా ఈ మూవీ దిల్ రాజు బ్యానర్ లో 50 వ చిత్రం కావడం విశేషం.
