స్టైలిష్ స్టార్ అల్లు అర్జున్ హీరోగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కుతున్న తాజా సినిమా అలవైకుంఠపురములో. యువ సంగీత దర్శకుడు ఎస్ ఎస్ థమన్ సంగీతాన్ని అందిస్తున్న ఈ సినిమాకు పీఎస్ వినోద్ ఫోటోగ్రఫిని అందిస్తున్నారు. హారిక హాసిని క్రియేషన్స్, గీతా ఆర్ట్స్ సంస్థలు ఎంతో ప్రతిష్టాత్మకంగా నిర్మిస్తున్న ఈ సినిమా నుండి ఇప్పటికే రిలీజ్ అయిన అన్ని సాంగ్స్, అలానే ఫస్ట్ లుక్ టీజర్ మంచి రెస్పాన్స్ ని సంపాదించడంతో పాటు సినిమాపై ప్రేక్షకుల్లో విపరీతమైన అంచనాలు ఏర్పరచడం జరిగింది.
ఇకపోతే ఈ సినిమాలోని సామజవరగమనా, రాములో రాముల సాంగ్స్ అయితే మరింతగా సక్సెస్ అయి, ఏకంగా యూట్యూబ్ లో 100 మిలియన్లకు పైగా వ్యూస్ దక్కించుకుని సరికొత్త రికార్డు ని నెలకొల్పాయి. ఇకపోతే నేడు సామజవరగమనా సాంగ్ వీడియో టీజర్ ని కాసేపటి క్రితం సినిమా యూనిట్ యూట్యూబ్ లో రిలీజ్ చేసింది. ఎంతో గ్రాండియర్ గా అద్భుతంగా తెరెకెక్కిన ఈ వీడియో టీజర్ నిజంగా ఎంతో అదిరిపోయింది అనే చెప్పాలి. ఇప్పటికే సిద్ శ్రీరామ్ తన గాత్రంతో ఈ పాటకు ప్రాణం పోయగా, ఎంతో గ్రాండియర్ గా ఉన్న ఈ విజువల్స్ తో ఈ పాట రేపు సినిమా రిలీజ్ తరువాత థియేటర్స్ లో మరింతగా అలరించడం ఖాయం అని బన్నీ ఫ్యాన్స్ అంటున్నారు.
ఇక ప్రస్తుతం ఈ వీడియో సాంగ్ టీజర్ మంచి వ్యూస్ తో యూట్యూబ్ లో దూసుకుపోతోంది. బన్నీ సాఫ్ట్ వేర్ ఎంప్లాయ్ గా నటిస్తున్న ఈ సినిమాలో పూజ హెగ్డే హీరోయిన్ గా నటిస్తుండగా సీనియర్ హీరోయిన్ టబు ఒక ముఖ్యపాత్రలో నటిస్తోంది. మరి బన్నీ, త్రివిక్రమ్ ల హ్యాట్రిక్ కాంబినేషన్ లో సంక్రాంతి కానుకగా జనవరి 12న రాబోతున్న ఈ సినిమా, ఎంత మేర సక్సెస్ ని అందుకుంటుందో చూడాలి…..!!
