రీజనల్ ఇండస్ట్రీస్లో హీరోయిన్గా క్రేజ్ సంపాదించుకున్న ముద్దుగుమ్మలంతా.. బాలీవుడ్లో మెరవాలని ఆశపడుతుంటారు. అందుకు తగ్గట్టే ప్రయత్నాలు చేస్తుంటారు. ఇప్పటికే పలువురు తారలు కూడా బీటౌన్లో మెరిసి తమ అదృష్టాన్ని పరీక్షించుకున్నారు. వారిలో కొంతమంది స్టార్స్గా ఎదగగా.. మరికొంతమంది దొరికిన అడపాదడపా ఛాన్స్లతో సర్దుకుపోతున్నారు. అయితే ఈ మధ్య కాలంలో హీందీ పరిశ్రమలో సౌత్ ఫ్లేవర్ బాగా పెరిగిపోయింది. దీంతో ఇక్కడి ముద్దుగుమ్మలను తీసుకునేందుకు అక్కడి దర్శకనిర్మాతలు బాగా ఆసక్తి చూపుతున్నారు. తమ చిత్రాల కోసం మన భామలను ఎగరేసుకుపోతున్నారు. ఈ నేపథ్యంలో త్వరలోనే వివిధ బ్యానర్ల ద్వారా బీటౌన్లోకి బిగ్ ఎంట్రీ ఇవ్వనున్న కథానాయికలు ఎవరు? ఆ చిత్ర వివరాలను ఓ సారి తెలుసుకుందాం…
షారుక్తో రొమాన్స్.. మూడు పదుల వయసులోనూ అందరూ మెచ్చిన తళుకు తార.. నయనతార. కేవలం కథకు, పాత్రకు ప్రాధాన్యం ఇస్తూ.. వరుస చిత్రాలు, విజయాలతో దూసుకుపోతూ.. లేడీ సూపర్‌స్టార్‌గా మారింది. ప్రస్తుత తరంలో దక్షిణాది హీరోయిన్స్లో అత్యంత ఎక్కువగా 74 చేసింది. రీసెంట్గా 75 చిత్రాన్ని ప్రకటించింది. ఇటీవలే తన ప్రియుడు, దర్శకుడు విఘ్నేశ్ శివన్ను పెళ్లి చేసుకున్న ఈ ముద్దుగుమ్మ.. త్వరలోనే బాలీవుడ్ ఎంట్రీకి రంగం సిద్ధం చేసుకుంది. దర్శకుడు అట్లీ తెరకెక్కించనున్న యాక్షన్ థ్రిల్లర్ చిత్రం ‘జవాన్’లో బాలీవుడ్ స్టార్ హీరో షారుక్ ఖాన్ సరసన నటిస్తోంది. అయితే ఈ చిత్రంలో మంచి పవర్ఫుల్ క్యారెక్టర్లో నయన్ కనిపించనుందని తెలుస్తోంది. ఇప్పటికే షూటింగ్ ప్రారంభమైనట్లు సమాచారం. రెడ్ చిల్లీ ఎంటర్టైన్మెంట్స్ నిర్మిస్తున్న ఈ చిత్రం.. వచ్చే ఏడాది జూన్ 2న విడుదల కానుంది.
రష్మిక జోరు.. క్యూట్ స్మైల్, అదిరే అందంతో నేషనల్ క్రష్గా యువత గుండెను కొల్లగొట్టింది హీరోయిన్ రష్మిక. ‘పుష్ప’ చిత్రంతో దేశవ్యాప్తంగా ఫుల్ క్రేజ్ సంపాదించుకున్న ఈ అమ్మడు ప్రస్తుతం జోరు కొనసాగిస్తోంది. అయితే ఈ భామ ఇప్పటికే బాలీవుడ్లో పలు చిత్రాలకు సంతకాలు చేసింది. అమితాబ్ బచ్చన్తో ‘గుడ్బై’, సిద్ధార్ధ్ మల్హోత్రాతో ‘మిషన్ మజ్నూ’ సినిమాల షూటింగ్ను ఇప్పటికే పూర్తి చేసుకుంది ఈ భామ. ప్రస్తుతం రణ్బీర్ ‘యానిమల్’లో నటిస్తోంది. ఇవ్వన్నీ త్వరలోనే రిలీజ్ కానున్నాయి.
యమ స్పీడుగా సమంత.. విడాకుల తర్వాత కెరీర్లో యమ స్పీడ్తో దూసుకెళ్తోన్న హీరోయిన్ సమంత. ఫ్యామిలీ మ్యాన్ వెబ్సిరీస్, పుష్ప తో బాలీవుడ్లో ఫుల్ క్రేజ్ దక్కించుకున్న ఈ అమ్మడు.. పలు హిందీ సినిమాలను ఒకే చేసిందని తెలిసింది. తాను నిర్మించే ఓ హిందీ ప్రాజెక్ట్లో సామ్ నటించనుందని ఇటీవలే తాప్సీ ధృవీకరించింది. మరోవైపు యంగ్ హీరో ఆయుష్మాన్ ఖురానాతో కలిసి నటించేందుకు రెడీ అయిందని టాక్ వినిపిస్తోంది. ఈ మూవీని మడాక్ ఫిల్మ్స్, పీపింగ్ మూన్ బ్యానర్స్పై దినేశ్ విజయన్ నిర్మిస్తున్నారట. ఈ ఏడాది చివర్లో ఈ ప్రాజెక్ట్ సెట్స్పైకి వెళ్లనుందని తెలిసింది. ఇక వరుణ్ ధావన్తోనూ సామ్ ఓ వెబ్సిరీస్ చేస్తున్నట్లు సమాచారం. ‘సిటాడెల్’ అనే హాలీవుడ్ యాక్షన్ స్పై థ్రిల్లర్ సిరీస్కు ఇది ఇండియన్ వెర్షన్. రాజ్ అండ్ డీకే దీన్ని రూపొందిస్తున్నారు. ఇందులో వరుణ్-సామ్ గూఢచారులుగా కనిపించనున్నారట. 2023లో అమెజాన్ ప్రైమ్లో స్ట్రీమింగ్ కానుంది.
‘యోధా’గా రాశీ.. దక్షిణాదిలో నటిగా తనకంటూ ఓ స్టార్డమ్ను సంపాదించుకుంది హీరోయిన్ రాశీఖన్నా. ఇటీవలే బీటౌన్ స్టార్ హీరో అజయ్ దేవగణ్తో కలిసి ఆమె నటించిన ‘రుద్ర:ది ఎడ్జ్ ఆఫ్ డార్క్నెస్’ హిందీ వెబ్ సిరీస్తో విశేష ప్రజాదరణ పొందింది. డిస్నీ హాట్ స్టార్లో స్ట్రీమింగ్ అయిన ఈ వెబ్సరీస్లో రాశీ ఖన్నా నటనకు ప్రశంసలు అందాయి. అయితే ఇప్పుడు త్వరలోనే విడుదల కానున్న ‘యోధా’ చిత్రంలో ఈ భామ నటిస్తోంది. ఈ చిత్రంలో బాలీవుడ్ స్టార్ నటులు సిద్ధార్ధ్ మల్హోత్రా, దిశా పటానీ ప్రధాన పాత్రలు పోషిస్తున్నారు. ఈ ఏడాది నవంబర్ 11న మూవీ విడుదల కానుంది. అలానే రాజ్అండ్ డీకే రూపొందిస్తున్న ‘ఫర్జీ’ వెబ్సిరీస్లోనూ షాహిద్కపూర్తో కలిసి నటిస్తోంది.
పూజాహెగ్డే.. ఇప్పటికే రెండు, మూడు హిందీ చిత్రాల్లో నటించి నటిగా గుర్తింపు సంపాదించుకుంది హీరోయిన్ పూజాహెగ్డే. కానీ సరైనా పెద్ద హిట్ పడలేదనే చెప్పాలి. ఇక్కడ తెచ్చుకున్నంత క్రేజ్ అక్కడ ఇంకా సంపాదించుకోలేదు. ప్రస్తుతం సల్మాన్ ఖాన్ ‘కభీ ఈద్ కభీ దివాలీ’, రణ్వీర్ సింగ్ ‘సర్కస్’లో నటిస్తోంది. ఇవి రెండు సూపర్ హిట్గా నిలిస్తే.. నార్త్లో పూజా కెరీర్కు ఏ ఢోకా ఉండదు.
