కోలీవుడ్ స్టార్ హీరో దళపతి విజయ్ అభిమానులకు శుభవార్త. లోకేశ్ కనగరాజ్ దర్శకత్వంలో త్రిష హీరోయిన్గా నటిస్తున్న విజయ్ లేటెస్ట్ మూవీ లియో ప్రీమియర్కు లైన్ క్లియర్ అయింది. ఈ సినిమా అక్టోబర్ 19వ తేదీన ప్రేక్షకుల ముందుకు రానున్న నేపథ్యంలో… తమిళనాడు ప్రభుత్వం.. ఇటీవల ‘లియో’ సినిమా ప్రీమియర్స్కు అనుమతి నిరాకరించింది. విజయ్ ఫ్యాన్స్ తీవ్ర అసంతృప్తికి లోనయ్యారు. అయితే తాజాగా ‘లియో’ ప్రీమియర్స్కు లైన్ క్లియర్ చేస్తూ.. స్టాలిన్ సర్కార్ ప్రీమియర్స్కు గ్రీన్ సిగ్నల్ ఇచ్చింది.
ఈ నిర్ణయంతో విజయ్ ఫ్యాన్స్ పండుగ చేసుకుంటున్నారు. ఈ సినిమా విడుదల రోజున అక్టోబర్ 19వ తేదీన తమిళనాడులో ఉదయం 7 గంటలకే ప్రీమియర్ షో ప్రారంభం కానుంది. అక్టోబర్ 19 నుంచి 24వ తేదీ వరకు రోజుకు లియో ఐదు షోస్ ప్రదర్శించనున్నారు. మరోవైపు యూఎస్లో అక్టోబర్ 19 ఉదయం 4 గంటలకే లియో షోస్ షురూ కానున్నాయి. ఇక ఇప్పటికే లియో బుకింగ్స్ సెన్సేషన్ క్రియేట్ చేస్తున్నాయి. ఈ సినిమా ఓవర్సీస్ బుకింగ్స్ గతవారం ఓపెన్ అయ్యాయి. ఇప్పటి వరకు 40 వేలకుపైగా టికెట్లు అమ్ముడయ్యాయని తెలిసింది.
