ప్రముఖ బుల్లితెర నటి, హిందీ సీరియల్ సారాభాయ్ వర్సెస్ సారాభాయ్ ఫేం వైభవీ ఉపాధ్యాయ రోడ్డు ప్రమాదంలో మరణించారు. మంగళవారం జరిగిన ఓ కారు ప్రమాదంలో ఈ 32 ఏళ్ల నటి తుదిశ్వాస విడిచారు. బాలీవుడ్ సినీ, టెలివిజన్ ఇండస్ట్రీ షాక్కు గురైంది. ఆమె మృతి పట్ల పలువురు ప్రముఖులు సోషల్ మీడియా వేదికగా సంతాపం తెలుపుతున్నారు. కాగా మంబయిలో ఇవాళ ఉదయం 11 గంటలకు ఆమె అంత్యక్రియలు జరగనున్నాయంటూ కుటుంబసభ్యులు తెలిపారు.
ఓ ప్రముఖ వార్తా పత్రిక ఇచ్చిన సమచారం ప్రకారం.. మంగళవారం మధ్యాహ్నం హిమాచల్ ప్రదేశ్‌లో వైభవీ తనకు కాబోయే భర్తతో కలిసి కారులో ప్రయాణిస్తున్న సమయంలో ఈ ప్రమాదం జరిగింది. రోడ్డు మలుపుతిప్పుతున్న టైమ్లో అడుపుతప్పి కారు బోల్తా కొట్టింది. అయితే ఈ ప్రమాదానికి సంబంధించిన సమాచారం మరింత తెలియాల్సి ఉంది. అభిమానులతో పాటు బుల్లితెర నటీనటులు ఆమెకు నివాళులు అర్పిస్తూ.. వైభవీ కుటుంబానికి ప్రగాఢ సానుభూతిని తెలియజేస్తున్నారు.
