సూపర్ స్టార్ మహేష్ ఏ.ఎం.బి సినిమాస్ ఈమధ్యనే మొదలైంది. ఆసియన్ శ్రీనివాస్ తో కలిసి మహేష్ మొదలుపెట్టిన ఈ మల్టీప్లెక్స్ లో మొదటి ఈవెంట్ మెగా ప్రిన్స్ వరుణ్ తేజ్ నటిస్తున్న అంతరిక్షం మూవీది కానుంది. ఈ సినిమాకు సంబందించిన ట్రైలర్ ఏ.ఎం.బి సినిమాలో రిలీజ్ చేయాలని చూస్తున్నారు. ట్రైలర్ రిలీజ్ ఈవెంట్ కూడా ఏ.ఎం.బి సినిమా మాల్ లో జరుగనుందట.
ఈ మల్టీప్లెక్స్ లో జరుగబోతున్న మొదటి ఈవెంట్ ఇదే అవడం విశేషం. సంకల్ప్ రెడ్డి డైరక్షన్ లో వస్తున్న ఈ సినిమా స్పేస్ కాన్సెప్ట్ తో వస్తుంది. డిసెంబర్ 21న రిలీజ్ అవుతున్న ఈ మూవీ లో వరుణ్ తేజ్ సరసన అదిరి రావు హైదరి, లావణ్య త్రిపాఠి నటిస్తున్నారు.
ఫిదా, తొలిప్రేమ హిట్ సినిమాల తర్వాత వరుణ్ తేజ్ నుండి వస్తున్న ఈ సినిమాపై భారీ అంచనాలున్నాయి. ఘాజి సినిమాతో సత్తా చాటిన సంకల్ప్ రెడ్డి అంతరిక్షం కూడా అంతే అద్భుతంగా తెరకెక్కించి ఉంటాడని ప్రేక్షకులు భావిస్తున్నారు. మరి సినిమా ఎలా ఉంటుందో డిసెంబర్ 21న తెలుస్తుంది.
