మెగా ప్రిన్స్ వరుణ్ తేజ్ విలన్ గా నటిస్తున్నాడా హీరోగా కెరియర్ సూపర్ ఫాంలో ఉన్న ఈ మెగా హీరో విలన్ గా మారాల్సిన అవసరం ఏముందని ఆశ్చర్యపోవచ్చు. కోలీవుడ్ హీరోల్లా ప్రయోగాలు చేయాలని ఉత్సాహపడుతున్న వరుణ్ తేజ్ ఓ తమిళ్ రీమేక్ సినిమాలో ప్రతినాయకుడిగా ఓకే చెప్పాడని ఫిల్మ్ నగర్ టాక్. కోలీవుడ్ లో సిద్ధార్థ్ హీరోగా నటించిన సినిమా జిగుర్తండా. సినిమాలో హీరోగా సిద్ధార్థ్ నటించినా విలన్ గా చేసిన బాబి సింహాకు ఎక్కువ పేరు వచ్చింది.
ఆ సినిమా తెలుగు రైట్స్ దిల్ రాజు దగ్గర ఉన్నాయి. అయితే ఆ సినిమాలో బాబి సింహా రోల్ లో వరుణ్ తేజ్ చేసేందుకు సై అన్నాడట. దిల్ రాజు బ్యానర్ లో ఫిదా హిట్ అందుకున్న వరుణ్ తేజ్ ఇప్పుడు ఎఫ్-2 సినిమా చేస్తున్నాడు. దిల్ రాజు చెప్పడంతో జిగుర్తండా రీమేక్ కు ఓకే చెప్పాడని తెలుస్తుంది. అయితే సిద్ధార్థ్ పాత్రని తెలుగులో కొద్దిగా తగ్గించి విలన్ క్యారక్టర్ ఇంకాస్త పెంచుతారట. మరి సిద్ధు పాత్రలో ఎవరు నటిస్తారు అన్నది ఇంకా తెలియలేదు.
