బిచ్చగాడు సినిమాతో తెలుగు ప్రేక్షకులకు కూడా బాగా దగ్గరైన తమిళ్ హీరో విజయ్ ఆంటోనీ గురించి ప్రత్యేకంగా పరిచయం అవసరం లేదు. ఇప్పుడు మళ్లీ బిచ్చగాడు 2 తో వచ్చి మరో విక్టరీని తన ఖాతాలో వేసుకున్న ఈయన తాజాగా తన గొప్ప మనసును చాటుకున్నాడు.. ఇకపోతే బిచ్చగాడు 2 సినిమా కోసం అన్ని తానే అయి పని చేసిన విజయ్ ఆంటోని హీరోగా, డైరెక్టర్ గా, నిర్మాతగా, మ్యూజిక్ డైరెక్టర్గా కూడా సినిమాను తన భుజాలపై మోసారు. ఇక ఎట్టకేలకు ఈ సినిమా మంచి విజయం సాధించడంతో ఆయన సంతోషంలో మునిగిపోయారు.
బుధవారం తిరుపతిలో సందడి చేసిన ఆయన ఈ సినిమా సక్సెస్ సెలబ్రేషన్స్లో భాగంగా తిరుపతికి వచ్చారు. ఇక తిరుపతి కపిల తీర్థంలోని రోడ్డులో ఉన్న యాచకులను కలిసిన విజయ్ ఆంటోని వారికి యాంటీ బికిలీ పేరిట కిట్లను అందజేశారు. అందులో దుప్పటి, చెప్పులు, అద్దం , నూనె బాటిల్ ,సబ్బు, దువ్వెన, విసనకర్ర వంటి కిట్స్ యాచకులకు అందజేశారు విజయ్ ఆంటోని. అంతేకాదు వారితో కాసేపు గడిపాక మీడియాతో కూడా ఆయన మాట్లాడారు. తెలుగు ఆడియన్స్ ఈ సినిమాను చాలా గొప్పగా ఆదరిస్తున్నారు అయితే దీనిని తాను ఊహించలేకపోయాను అంటూ తెలిపారు.
ఇక బిచ్చగాడు 3 స్టోరీ లైన్ విషయంలో ఇంకా ఏమీ అనుకోలేదని.. కచ్చితంగా రెండు మూడు నెలల్లో దాన్ని కూడా ఫైన్లేస్ చేస్తాను అని తెలిపారు. ఇకపోతే ఈ సినిమా థియేటర్లలో కచ్చితంగా 50 రోజులు ఆడుతుందని.. ఒకవేళ అలా ఆడితే మళ్ళీ అర్ధ శత దినోత్సవం రోజు తిరుపతికి వచ్చి అందరినీ కలుస్తానని వెల్లడించారు. మొత్తానికైతే విజయ్ ఆంటోని సక్సెస్ ఎంజాయ్ చేస్తున్నారని చెప్పాలి.
