పాములు: మనం నిద్రలో ఉన్నప్పుడు చాలా కలలు వస్తుంటాయి.. కొన్ని తెల్లారేసరికి మర్చిపోతాం.. కొన్ని మాత్రం బాగా గుర్తుంటాయి.. కానీ ఒకే కల పదే పదే వస్తుంటే మాత్రం కాస్త ఆలోచించాల్సిందే..! కలలు భవిష్యత్తులో జరగబోయే మంచికి, చెడుకు సంకేతాలు అని స్వప్న శాస్తం చెబుతుంది. మీకు కలలో పదే పదే పాములు కనిపిస్తున్నాయంటే.. దానికి అసలు అర్థం ఏంటి, దీనివల్ల ఏమైనా చెడు జరుగుతుందా అనేది ఈరోజు చూద్దామా..!
జ్యోతిష్యం ప్రకారం మీ కలలో ఎర్ర పాము వస్తే మంచిది. ఎర్రటి పాము మీ శక్తికి చిహ్నం. కలలో ఎర్రటి పామును చూడటం మీరు జీవితంలో మరింత బాధ్యత వహించాలని సూచన. మీరు చేసే పని గురించి మరింత జాగ్రత్తగా ఉండాలి. లక్ష్యాలపై ఎక్కువ దృష్టి పెట్టాలి.
మీ కలలో నల్లటి పాము వస్తే, అది మీలోని అంతర్గత చీకటికి చిహ్నం. మీ పరిస్థితులు తీవ్రంగా ఉండొచ్చు. నిరాశ కూడా కావచ్చు. కలలో నల్ల పామును చూడటం మీకు భవిష్యత్తులో వచ్చే ప్రమాదాల సూచన. కాబట్టి ఈ సమయంలో మీరు ఎక్కువగా సానుకూల అంశాలపై దృష్టి పెట్టాలి.
మీ కలలోకి ఆకుపచ్చ పాములు వస్తే.. వైద్యంతో సంబంధం కలిగి ఉంటాయట. మీ కలలో కనిపించే పాము ముదురు ఆకుపచ్చ రంగులో ఉంటే, అది తాత్విక చికిత్స అని, లేత ఆకుపచ్చ రంగులో ఉంటే శారీరక చికిత్స అని అర్థం. ఇది మాత్రమే కాదు, కలలో ఆకుపచ్చ పామును చూడటం వ్యక్తిగత పెరుగుదల, ఆధ్యాత్మిక మేల్కొలుపు వైపు కదలికను కూడా సూచిస్తుంది.
పింక్ పాము కలలు కనడం సాధారణంగా ఆనందం, ప్రేమను సూచిస్తుంది. స్త్రీ శక్తులతో ఎక్కువగా ముడిపడి ఉంది. మీరు ప్రస్తుతం నిర్లక్ష్యం చేస్తున్న మహిళలకు ఎక్కువ ప్రాముఖ్యతనిస్తారు అనడానికి ఇది సంకేతం.
జ్యోతిష్యం ప్రకారం, పసుపు రంగు పాము కనిపించినా.. సానుకూల సంకేతం. ఆనందంతో ముడిపడి ఉంటుంది. అయితే ఒక్క విషయం గుర్తుపెట్టుకోవాలి. పసుపు రంగు పామును చూస్తే సంతోషమే కానీ చివరికి కాస్త బాధగా అనిపిస్తుంది.
తెల్లని పాము రహస్యాన్ని సూచిస్తుంది. భవిష్యత్తులో మీరు కొన్ని పెద్ద రహస్యాలను దాచిపెడతారని దీని అర్థం. మీరు ఎవరితోనూ పంచుకోవడానికి ఇష్టపడని రహస్యాన్ని కలిగి ఉన్నారని ఇది చెబుతుంది.
మీ కలలో నీలం రంగు పామును చూడటం సాధారణంగా సానుకూల సంకేతం. ఈ రంగు పాము మీ కలలోకి వస్తే.. జీవితంలో ఏదో మంచి జరుగబోతున్నట్లు సంకేతం.. సృజనాత్మకత, తెలివితేటలకు కూడా చిహ్నం. కాబట్టి కలలో నీలం పాము కనిపిస్తే భయ పడకండి. ఎలాంటి ఇబ్బందులు లేకుండా హాయిగా ఉండొచ్చు.
అసలు పాముల్లో ఇన్ని రంగులు ఉంటాయా అని మీకు డౌట్‌ రావొచ్చు..కలలో వచ్చే పాములకు బోలెడు రంగులు ఉంటాయి.. నిజ జీవితంలో కూడా పాములు అనేక రంగులను కలిగి ఉంటాయి.
