మంగళవారం ఆంజనేయ స్వామికి ఎంతో ప్రీతికరమైన రోజు. ఈ రోజు హనుమంతుడిని పూజించడం ద్వారా భయ భ్రాంతులు, పీడకలలు నుంచి విముక్తినిచ్చి, మనోధైర్యాన్ని ప్రసాదిస్తాడు. ఇక మంగళవారం స్వామి వారిని తమలపాకులతో పూజ చేయడం ఎంతో మంచిది . దీని వలన సకల పాపాలు, దోషాలు తొలగిపోతాయి.
మంగళవారం స్వామివారిని పూజించే స్త్రీలు ఎరుపురంగు దుస్తులను ధరించి, ఎరుపు రంగు పువ్వులను పెట్టుకోని పూచిస్తే మంచిది. అలాగే సుమంగళి స్త్రీలు నుదట ఎల్లప్పుడు కుంకుమ ధరించాలి. ఇలా కుంకుమ ధరించి పూజ చేయడం వలన స్వామి వారి దీర్ఘ సుమంగళీ ప్రాప్తం కలగడమే కాకుండా అనుకున్న కోరికలు నెరవేరుతాయని భక్తుల నమ్మకం..హనుమంతుడిని ఎప్పుడైనా పూజించవచ్చు, ఆయన అనుగ్రహం మనపై ఎల్లప్పుడూ ఉంటుంది. హిందూ మతంలో, ఆంజనేయుడిని శివుని అవతారంగా పరిగణిస్తారు. మంగళవారం నాడు అష్టసిద్ధి, నవనిధిని ప్రసాదించే హనుమంతుడితో పాటు మంగళ పుత్రుడి అనుగ్రహం కూడా లభిస్తుంది. హిందూ గ్రంధాల ప్రకారం, మంగళవారం, శనివారాలను బజరంగబలి రోజులుగా పరిగణిస్తారు. హనుమంతుడిని, కుజ గ్రహాన్ని మంగళవారం నాడు ఆరాధించడం ద్వారా వారి అనుగ్రహం పొందే అవకాశం ఉంది
అందుకే మంగళవారం ఎక్కువగా ఆంజనేయ స్వామిని పూజిస్తారు.. అలాగే హనుమంతుడికి కాషాయ రంగు సింధూరం అంటే చాలా ఇష్టం. అతని ఆశీర్వాదం కోసం, ఆలయానికి వెళ్లి, హనుమాన్ జీకి కషాయ రంగు సింధూరాన్ని సమర్పించాలి. ఇలా చేయడం వల్ల శ్రీరామ భక్తుడైన హనుమంతుడు చాలా సంతోషిస్తాడు. సింధూరాన్ని నైవేద్యంగా సమర్పించడం ద్వారా సర్వ దుఃఖాల నుండి విముక్తి లభిస్తుంది. ప్రాణభయం తొలగిపోతుంది.. హనుమంతుడిని అనేక రూపాల్లో పూజిస్తారు. ప్రస్తుత కాలాన్ని పరిశీలిస్తే, మనస్సు ప్రశాంతంగా ఉండాలంటే ధ్యాన భంగిమలో ఉన్న హనుమంతుని ప్రతిమను పూజించాలి. ఇలా చేయడం వల్ల మనిషికి బలం, మానసిక ప్రశాంతత లభిస్తాయి.
