వరంగల్ : ఆత్మకూరులో ఉద్రిక్తత వాతావరణం

మాజీ ఎమ్మెల్యే, కాంగ్రెస్ నాయకుడు కొండా మురళీధర్ రావు తల్లిదండ్రుల స్మారక నిర్మాణాన్ని టీఆర్ఎస్ శ్రేణులు ధ్వంసం చేయడం ఆత్మకూరులో కలకలం రేపుతోంది. శనివారం ఆత్మకూరు మండలంలోని అగ్రంపహాడ్ మేడారం జాతర సమీక్ష సమావేశానికి ఎమ్మెల్యే చల్లా ధర్మారెడ్డి హాజరయ్యారు. జాతర రహదారికి కొండా చెన్నమ్మ, కొమురయ్య స్మారక స్థూపం అడ్డుగా ఉందని గద్దెలను కూల్చివేయాలని ఆదేశాలు జారీ చేశారు. దీంతో అక్కడ ఉద్రిక్తత ఏర్పడింది.