ప్రపంచ వ్యాప్తంగా తన పంజా విసురుతోన్న కరోనా మహమ్మారి భారత్ లో మాత్రం ఓసారి పెరుగుతూ మరోసారి తగ్గుతూ వస్తోంది. భారత్ లో ముఖ్యంగా విద్యార్థులపై కరోనా విలయం సృష్టిస్తోంది. దేశంలో శనివారం ఉదయం 8 గంటల నుంచి ఆదివారం 8 గంటల వరకు 14,092 మందికి కరోనా వైరస్ సోకినట్లు నిర్ధరణ అయింది. పాజిటివిటీ రేటు 4.36 శాతానికి తగ్గింది. రికవరీ రేటు 98.54 శాతానికి చేరుకుంది. యాక్టివ్ కేసులు 0.26 శాతానికి పడిపోయాయి.
- క్రియాశీల కేసులు: 1,16,861
- మొత్తం మరణాలు: 5,27,037
- కోలుకున్నవారు:4,36,09,566
భారత్లో శనివారం 28,01,457 మందికి టీకాలు అందించగా.. ఇప్పటివరకు పంపిణీ చేసిన వ్యాక్సిన్ డోసుల సంఖ్య 2,07,99,63,555కు చేరింది. మరో 3,81,861మందికి కరోనా నిర్ధరణ పరీక్షలు చేశారు.
ప్రపంచ దేశాల్లోనూ కరోనా విలయం కొనసాగుతోంది. కొత్తగా 5,78,704మంది వైరస్ బారినపడగా.. మరో 1,318 మంది ప్రాణాలు కోల్పోయారు. మొత్తం కేసుల సంఖ్య 59,45,50,623కు చేరింది. ఇప్పటివరకు వైరస్తో 64,53,327 మంది మరణించారు. ఒక్కరోజే 7,60,524 మంది కోలుకున్నారు. దీంతో మొత్తం కోలుకున్నవారి సంఖ్య 56,75,23,279కు చేరింది.
