నందమూరి కళ్యాణ్‌రామ్.. అందరి హీరోలతో పోల్చితే కాస్త భిన్నమైన వ్యక్తే. ఆయన సినిమాలు కూడా కాస్త డిఫరెంట్‌గానే ఉంటాయి. సరే.. కళ్యాణ్ రామ్ సినిమాల గురించి పక్కన బెడితే.. ఆయన గురించి మాట్లాడుకోవడానికి ఓ ఆసక్తికరమైన విషయం ఒకటి ఉంది. అదేంటంటే.. ఆయన 118 అనే సినిమాలో హీరోగా నటిస్తున్నాడు తెలుసు కదా. కేవీ గుహన్ డైరెక్టర్. మహేశ్ కోనేరు ప్రొడ్యూసర్. నివేదా థామస్, షాలిని పాండే హీరోయిన్లు. ఈ సినిమా థ్రిల్లర్ జానర్‌లో వస్తున్నదట. సినిమా షూటింగ్ కూడా పూర్తికావస్తున్నదట. జనవరిలో సినిమా రిలీజ్ ఉంటుందట.
అయితే.. ఈ సినిమా కోసం కళ్యాణ్‌రామ్ చాలా రిస్క్ తీసుకుంటున్నాడట. నిజానికి.. ఈ సినిమాలో వాటర్ సీక్వెన్స్ షాట్స్ ఉంటాయట. దాని కోసమనే.. కళ్యాణ్‌రామ్.. డీప్ డైవింగ్ కోసం ట్రెయినింగ్ తీసుకుంటున్నాడట. కళ్యాణ్ రామ్ ఊపిరి బిగపట్టుకొని నీళ్లలో ఉన్న ఓ సీన్‌ను మహేశ్ కోనేరు తన ట్విట్టర్ ఖాతాలో షేర్ చేశాడు. కళ్యాణ్ రామ్ ఏం చేస్తున్నాడో ఊహించండి.. అంటూ ఆయన ఈ వీడియోను షేర్ చేశాడు. ఆ వీడియోను చూసిన నెటిజన్లు.. కళ్యాణ్ రామ్‌కు సినిమాపై ఉన్న డెడికేషన్‌ను చూసి తెగ మెచ్చుకుంటున్నారు.
