కొవిడ్‌ తర్వాత ఇప్పటికే చాలా మంది స్ట్రోక్ సమస్యతో బాధపడుతున్నారు. కొందరు అర్ధాంతరంగా చనిపోతున్నారు. ఇటీవల పక్షవాతం బారిన పడుతున్న యువకుల సంఖ్య కూడా పెరుగుతోంది. ఇటీవల, వరల్డ్ స్ట్రోక్ ఆర్గనైజేషన్, లాన్సెట్ న్యూరాలజీ కమిషన్ సంయుక్తంగా నిర్వహించిన ఒక అధ్యయనం ప్రకారం, 2050 నాటికి, తక్కువ మధ్య-ఆదాయ దేశాలలో స్ట్రోక్‌తో మరణించే వారి సంఖ్య 86 నుంచి 91 కి పెరగవచ్చని ఒక షాకింగ్ న్యూస్ వెలువడింది.
మెదడులోని ఒక భాగానికి రక్త సరఫరాలో మార్పు వచ్చినప్పుడు లేదా రక్త సరఫరా తగ్గినప్పుడు మెదడు కణజాలం రక్తం, ఆక్సిజన్‌ను పొందలేనప్పుడు స్ట్రోక్ సంభవిస్తుంది. స్ట్రోక్ వచ్చినప్పుడు నడవడం, మాట్లాడటం, ఇతరులను అర్థం చేసుకోవడం కష్టతరం చేస్తుంది. ముఖం, చేతులు, కాళ్లలో తిమ్మిరి లక్షణాలు కనిపించవచ్చు.స్ట్రోక్‌ను ముందుగానే గుర్తిస్తే చికిత్స చేయవచ్చని, కొన్ని జీవనశైలి చర్యలతో నివారించవచ్చని నిపుణులు చెబుతున్నారు.
ప్రపంచవ్యాప్తంగా వైకల్యం, మరణాలకు స్ట్రోక్ ప్రధాన కారణం. దీని వల్ల అకస్మాత్తుగా మాట్లాడే సామర్థ్యం కోల్పోవడం, కదలిక, దృష్టి సమస్యలు, స్పృహ కోల్పోవడం వంటి సమస్యలు వస్తాయి. దాదాపు 1.25 కోట్ల కొత్త స్ట్రోక్ కేసులు నమోదయ్యాయి. 10 కోట్ల మందికి పైగా ప్రజలు ఎప్పుడైనా స్ట్రోక్‌కు గురయ్యే పరిస్థితిలో నివసిస్తున్నారు. 1990 నుండి 2020 వరకు, కొత్త స్ట్రోక్ రోగుల సంఖ్య 70 శాతం పెరిగింది.
70 ఏళ్లలోపు వారిలో స్ట్రోక్‌ల సంఖ్య దాదాపు 20 శాతం ఎక్కువ. ఇది వయస్సుతో పాటు ఎక్కువగా కనిపించే వ్యాధి యొక్క ఒక రూపం, కానీ ఇది ఏ వయసులోనైనా కనిపిస్తుంది అని నోయిడాలోని ఫోర్టిస్ హాస్పిటల్‌కు చెందిన వైద్యులు తెలిపారు.
స్ట్రోక్‌కి దారితీసే అంశాలు
అధిక రక్త పోటు
మెదడులో రక్తం గడ్డకట్టడం (ఇస్కీమిక్) లేదా రక్తస్రావం (హెమరేజిక్) కారణంగా స్ట్రోక్‌కు అధిక రక్తపోటు ప్రధాన కారణం. రక్తపోటు మెదడు మరియు గుండె నాళాలను ప్రభావితం చేస్తుంది. దీంతో మెదడులో రక్తం గడ్డకట్టడంతోపాటు రక్త ప్రసరణకు ఆటంకం ఏర్పడుతుంది.
గుండె వ్యాధి
గుండెకు సంబంధించిన సమస్యలు కూడా స్ట్రోక్‌కి దారితీస్తాయి. ముఖ్యంగా క్రమరహిత హృదయ స్పందన గుండెలో రక్తం గడ్డకట్టడానికి కారణమవుతుంది. ఇది రక్తనాళాల్లో అడ్డంకిని కలిగిస్తుంది.
ఊబకాయం
శారీరక శ్రమ లేకపోవడమే స్ట్రోక్‌కి ప్రధాన కారణం. వారంలో కనీసం అరగంట పాటు 4 నుంచి 5 రోజులు క్రమం తప్పకుండా వ్యాయామం చేయడం చాలా ముఖ్యం. ఊబకాయం కూడా స్ట్రోక్ ప్రమాదాన్ని పెంచుతుంది.
మధుమేహం
మధుమేహం నియంత్రణలో లేకుంటే మెదడు ఆరోగ్యంపై ప్రభావం చూపుతుంది. ఇది మెదడు సంబంధిత సమస్యల ప్రమాదాన్ని కూడా పెంచుతుంది.
ధూమపానం
ధూమపానం హానికరం, స్ట్రోక్ ప్రమాదాన్ని పెంచుతాయి.
పర్యావరణ కాలుష్యం
పర్యావరణ కాలుష్యం ఇటీవల అనేక ఆరోగ్య సమస్యలకు మూలంగా మారింది. మన చుట్టూ ఉన్న పర్యావరణ కాలుష్యం హానికరం. దీనివల్ల పక్షవాతం కూడా వస్తుంది.
స్ట్రోక్‌ను నివారించడానికి ఇలాంటి చర్యలు తీసుకోండి..
మన ఆరోగ్యంలో ఆహారం ముఖ్యమైన పాత్ర పోషిస్తుంది. రెడ్ మీట్ ఎక్కువగా తీసుకోవడం ఆరోగ్యానికి హానికరం. మన ఆహారంలో పచ్చని ఆకు కూరలు, పండ్లు, కూరగాయలు తినడం వల్ల ప్రమాదాన్ని తగ్గించుకోవచ్చు.
ఉప్పు తీసుకోవడం తగ్గించండి .
బరువును అదుపులో ఉంచుకోవాలి.
ధూమపానం మానేయండి
అతిగా తాగడం కూడా తగ్గించండి
మధుమేహం మరియు కొలెస్ట్రాల్‌ను కంట్రోలో ఉంచుకోవాలి.
స్ట్రోక్ రోగులను మాత్రమే కాకుండా వారి కుటుంబాలను కూడా ప్రభావితం చేస్తుంది. ఈరోజుల్లో చాలా మంది కూర్చుని పని చేస్తున్నారు కాబట్టి శారీరక శ్రమ కరువైంది. దీనితో పాటు, మనం తినే ఆహారం, పర్యావరణం అన్నీ స్ట్రోక్‌కు దోహదం చేస్తాయి, కాబట్టి వీటన్నింటిపై శ్రద్ధ వహించడం చాలా ముఖ్యం.
