టిష్యూ పేపర్‌లు పెద్దగా కాస్ట్‌ ఉండవు. హోటల్స్‌లో కూడా అందుకే ఎక్కువగా పెడతారు. చాలామందికి రెస్టారెంట్‌కి వెళ్లినప్పుడు టీష్యూలు ఎత్తేసే అలవాటు కూడా ఉంటుంది. రూ. 50 పెడితే కట్టకు కట్ట వస్తుంది. కానీ ఆ టిష్యూ పేపర్ కొనాలంటే.. లక్షలు పెట్టాలి. అవునండి. ఓ వ్యక్తి ఆన్లైన్లో రూ. 6.36 లక్షలు పెట్టి టిష్యూపేపర్‌ కొన్నాడు. ఎందుకు..? అంత ఖరీదు..? అసలు అది టిష్యూ పేపరేనా..?
ఓ వ్యక్తి ఆన్లైన్లో ఓ అక్షరాలా 6.36 లక్షల రూపాయలు. టిష్యూ పేపర్‌ని జాగ్రత్తగా ఫ్రేమ్ కట్టించి మరీ దాచుకోబోతున్నాడట. అంతగా దాని స్పెషాలిటీ ఏంటనుకుంటున్నారా? దానిపై ఓ వ్యక్తి సంతకం ఉంది. అతను ప్రముఖ సింగర్. సౌదీ అరేబియా సింగర్. పేరు మహ్మద్ అబ్దు. ఇతని పాటలంటే గల్ఫ్‌ దేశస్థులకు బాగా ఇష్టం.. అతడి షోలు ఉన్నాయంటే ఎగబడిపోతారు. కొన్ని రోజుల క్రితం ఆ గాయకుడు సౌదీ అరేబియాలోని అభా నగరంలో ఓ షో ఇచ్చాడు. దానికా ప్రేక్షకులు భారీగా వచ్చారు. ఆ కార్యక్రమంలో ఆయన ఓ టిష్యూ పేపర్ ని వాడి పక్కన పడేశాడు. అలా పడేయడం చాలా మంది ప్రేక్షకులు చూశారు. దాని కోసం ఎగబడిన వాళ్లు కూడా ఉన్నారట. ఇదంతా చూసిన షో నిర్వాహకులు ఆ టిష్యూ పేపర్ తీసి భద్రపరిచారు. తరువాత ఆ పేపర్ పై సంతకం పెట్టమని గాయకుడిని అడిగారు. మహ్మద్ అబ్ధు సంతకం చేసి అక్కడ్నించి వెళ్లిపోయారు. ఇక్కడి వరకూ బానే ఉంది కదా.. ఆ తర్వాత ఏం జరిగిందంటే..
ఆ టిష్యూ పేపర్‌ను అమ్మి డబ్బు సంపాదించాలనుకున్నారు ఆ షో నిర్వాహకులు. ఆన్ లైన్లో దాన్ని అమ్మకానికి పెట్టారు. దాదాపు 30 వేల సౌదీ రియాల్ గా ధరను నిర్ణయించారు. అంటే మన రూపాయల్లో ఆరు లక్షల 36 వేల రూపాయలన్న మాట. దీన్ని కొనాలనుకుంటే ఆ మొత్తం ఒక్కసారే ఇవ్వక్కర్లేదు. నాలుగు ఇన్‌స్టాల్మెంట్లుగా కట్టవచ్చు అని ఆఫర్‌ కూడా పెట్టారు.. ఆయన అభిమానులు ఈ టిష్యూని చూసి ఇదెక్కడ విడ్డూరం అని కామెంట్లు చేశారు. కానీ ఒక అభిమాని మాత్రం కొనేశాడు.
ఇంతకుముందు ప్రపంచం మెచ్చిన సాకర్ ఆటగాడు మెస్సీ కూడా తన ఆటకు గుడ్ బై చెప్పినప్పుడు ఉబికి వస్తున్న కన్నీళ్లను ఓ టిష్యూ పేపర్తో తుడుచుకున్నాడు. ఆ టిష్యూ కూడా వేలంలో ఏకంగా ఏడున్నరకోట్ల రూపాయలకు అమ్ముడుపోయింది.
తాజాగా ఒలింపిక్ ఛాంపియన్ నీరజ్ ఉపయోగించిన జావెలిన్ ను వేలంలో భారీ ధరకు దక్కించుకుంది బీసీసీఐ. ఏకంగా కోటిన్నర రూపాయలకు కొనుక్కుంది.
