కరోనా అచ్చి మూడేళ్లు దాటిపోతుంది.. ఇంకా దాని తాలుకూ జ్ఞాపకాలు, మిగిల్చిన దుఖాలు మాత్రం అలానే ఉన్నాయి.. ఒక్కసారి లాక్డౌన్ రోజులను గుర్తుచేసుకోండి.. నాలుగు గోడల మధ్య ఎలా నలిగిపోయామో.. హాస్టల్స్‌ వదిలి ఇంటినే హాస్టల్స్‌గా మార్చేశాం.. మన సంగతి ఓకే.. ఈ పెళ్లైన వాళ్లది అయితే పెద్ద టార్చర్‌.. ఇంట్లోఉండి పొద్దుపోక.. ఏదో ఒక లొల్లి పెట్టుకొనుడు ఎక్కువైంది.. అప్పుడే గృహహింస కేసులు, భర్త అఫైర్లు అన్నీ బయటపడ్డాయని వార్తలు వచ్చాయి.. ఇప్పుడు గత ఆరునెలల్లో 1500 విడాకులు కేసులు వెలుగు చూశాయట.. నేరాల రేటు ఎలా ఉందో.. వీటి రేటు కూడా ఇలానే ఉంది..!
ఢిల్లీలోని వివిధ మధ్యవర్తిత్వ కేంద్రాల్లో గత ఆరు నెలల్లో దాదాపు 1500 విడాకుల కేసులు వెలుగు చూశాయి. మధ్యవర్తిత్వ కేంద్రాలకు వచ్చిన ఈ కేసులలో సారూప్యత ఏంటంటే వారందరూ కరోనా కాలంలో లాక్డౌన్ సమయంలో కలిసి జీవిస్తున్నప్పుడు వేధింపులను ప్రస్తావించారు. ఈ కేసుల్లో భార్య మాత్రమే బాధితురాలిగా మారింది. ఢిల్లీ ప్రభుత్వ మధ్యవర్తిత్వం రాజీ కేంద్రాలలో ఇరువర్గాలను ఒప్పించడం ద్వారా వివాదాన్ని పరిష్కరించే ప్రయత్నం జరుగుతుంది. భార్యాభర్తల మధ్య వివాదానికి ముగింపు పలకడానికి ఢిల్లీ ప్రభుత్వం మానసిక వైద్యుడి సహాయం కూడా తీసుకుంటుంది. పిల్లల భవిష్యత్తుపై విడాకుల ప్రభావం గురించి ఢిల్లీ ప్రభుత్వం దంపతులను ఒప్పించే ప్రయత్నం చేస్తుంది. దంపతులు మధ్యవర్తిత్వ కేంద్రాలకు వెళతారు. తద్వారా వారు పోలీసు స్టేషన్, కోర్టు చుట్టూ తిరగాల్సిన అవసరం లేదు.
కరోనా మహమ్మారి కారణంగా వివాహ వివాదాలు గృహ హింస కేసులు వేగంగా పెరిగాయి… కరోనా కాలం తర్వాత కోర్టు ప్రారంభమైన తర్వాత విచారణ ప్రారంభమైంది. ఇందులో చాలా కేసుల్లో భార్య భరణం కోసం దరఖాస్తు చేసుకుంది.
ఇలా కూడా..
ఢిల్లీలోని మధ్యవర్తిత్వ కేంద్రంలో ఒక మహిళ లాక్డౌన్ సమయంలో తన భర్త పదేపదే సెక్స్ చేయమని బలవంతం చేస్తున్నాడని ఫిర్యాదు చేసింది. దీని ఆధారంగా విడాకులు కోరుతోందట.. మరో కేసులో భార్య మొబైల్‌లో ఎక్కువ సమయం గడుపుతుందని, పిల్లలకు సమయం ఇవ్వడం లేదని ఓ భర్త విడాకులు కోరాడు. కరోనా పీరియడ్‌లో ఉద్యోగం పోయిందని, భార్య తనను విడిచిపెట్టిందని భర్త ఫిర్యాదు చేశాడు. ఇప్పుడు ఉద్యోగం రావడంతో మళ్లీ ఆమెతో కలిసి జీవించేందుకు వచ్చింది. కరోనా కాలంలో కుటుంబ సభ్యులందరూ కలిసి జీవించడం, దినచర్యను మార్చుకోవడం వల్ల విడాకుల కేసులో ఒక ఊపు వచ్చిందని నిపుణులు భావిస్తున్నారు. కరోనా లాక్డౌన్ సమయంలో రేగిన చిచ్చు ఇంకా ఆరలేదు.
