ఈ ఏడాది ‘జైలర్’ సినిమాతో సూపర్ సక్సెస్ అందుకున్నాడు తమిళ సూపర్ స్టార్ రజనీకాంత్‌ . ఈ జోష్లో ఆయన వరుస సినిమాలను లైన్‌లో పెడుతున్నాడు. ఇప్పటికే జై భీమ్ ద‌ర్శ‌కుడితో త‌లైవ 170 సినిమా చేస్తున్న ర‌జనీ.. తన కూతురు ఐశ్వర్య డైరెక్షన్‌లో ‘లాల్‌సలామ్‌’ అనే సినిమామ చేస్తున్నాడు. విష్ణువిశాల్‌, విక్రాంత్ ఈ సినిమాలో లీడ్ రోల్స్‌లో నటిస్తుండగా.. టీమిండియా మాజీ కెప్టెన్ ‘కపిల్ దేవ్’ కీలక పాత్రలో నటిస్తున్నాడు. ఇప్పటికే విడుదల చేసిన లాల్ సలామ్ టైటిల్ పోస్టర్‌తో పాటు దీపావ‌ళి కానుక‌గా విడుదల చేసిన టీజ‌ర్ ప్రేక్ష‌కుల‌ను ఆక‌ట్టుకుంటుంది.
తన పాత్ర కోసం కపిల్ స్వయంగా డబ్బింగ్ చెప్పారు. తాజాగా కపిల్ డబ్బింగ్ పూర్తయింది. ఈ మేరకు చిత్ర నిర్మాణ సంస్థ లైకా ప్రొడక్షన్స్ వెల్లడించింది. ప్రస్తుతం ‘లాల్ సలామ్’ చిత్రం పోస్ట్ ప్రొడక్షన్ పనులు జోరుగా సాగుతున్నాయని తెలిపింది. 2024 సంక్రాంతి సందర్భంగా ఈ చిత్రం ప్రేక్షకుల ముందుకు రానుంది. తమిళం, తెలుగు, కన్నడ, మలయాళం, హిందీ భాషల్లో ఈ చిత్రం విడుదల కానుంది. ఇందులో విష్ణు విశాల్, విక్రాంత్, జీవితా రాజశేఖర్, అనసూయ, తంబిరామయ్య తదితరులు నటిస్తున్నారు. ఏఆర్ రెహ్మాన్ సంగీతం అందిస్తున్నారు. ఈ చిత్రంలో క్రికెట్ దిగ్గజం కపిల్ దేవ్ కూడా ఓ పాత్ర పోషిస్తుండడం విశేషం.
