ఈ కింది ఫొటోలో ఉన్న చిన్నారి ప్రస్తుతం నటి మాత్రమే కాదు ప్లేబ్యాక్ సింగర్, క్లాసికల్ డ్యాన్సర్ కూడా. ఆమె నటన, అందానికి దక్షిణాది ప్రేక్షకులు అక్కున చేర్చుకున్నారు. కాకపోతే ఇప్పటివరకు తెలుగులో నేరుగా ఒక్క సినిమా కూడా చేయలేదు. ఇటీవలే ఆమెకు ఓ సినిమాకుగానూ ఉత్తమ నటిగా ఏకంగా జాతీయ అవార్డు కూడా వచ్చింది. ఎవరో గుర్తుపట్టారా…
ఎవరో కాదు నటి అపర్ణ బాలమురళి. కేరళకు చెందిన ఈ అమ్మడు.. త్రిసూర్లో పుట్టి పెరిగింది. నటి కాకముందు సింగర్, డ్యాన్సర్గా మంచి గుర్తింపు తెచ్చుకుంది. ఆ తర్వాత షార్ట్ ఫిల్మ్స్ లోనూ నటించింది. ‘ఒరు సెకండ్ క్లాస్ యాత్ర’ సినిమాతో వెంటితెర అరంగేట్రం చేసింది. అలా మలయాళంతో పాటు తమిళంలోనూ నటిస్తూ మంచి పేరు తెచ్చుకుంది.
‘సర్వం తాళమయం’ అనే డబ్బింగ్ సినిమాతో టాలీవుడ్ను పలకరించింది. ఇక లాక్ డౌన్ సమయంలో నేరుగా ఓటీటీలో విడుదలైన ‘ఆకాశమే నీ హద్దురా!’ ఈ సినిమాతో నటనకు మంచి ప్రశంసలు అందుకుంది అపర్ణ. అంతేకాదు.. సంప్రదాయ చీరకట్టులో అచ్చం తెనుగింటి అమ్మాయిగా కనిపించి తెలుగు ప్రేక్షకులకు దగ్గరయ్యింది.
ఈ సినిమాలోని ఆమె పాత్రరకు సౌత్ ఆడియన్స్ ఫిదా అయ్యారు. ముఖ్యంగా తెలుగు ప్రేక్షకులకు మనసుల్లో స్థానం సంపాదించింది. ఇందులో ఆమె తన నటనతో ఎంతో మంది కుర్రాళ్లను ఫిదా చేసింది. ఎంతలా అంటే.. ఇలాంటి అమ్మాయి భార్యగా వస్తే అనుకునేంతగా… ఈ సినిమాకే ఆమెకు ఉత్తమనటిగా జాతీయ అవార్డు కూడా వరించింది. ప్రస్తుతం ఈ అమ్మడు.. ఇని ఉతరమ్, నితమ్ ఓరు వానమ్, ఆకాశం, ఉల, పద్మని, కాపా సహా పలు చిత్రాలు చేస్తోంది.
