టాలీవుడ్ హీరో అక్కినేని నాగచైతన్య ఇటీవల కొత్త ఇంట్లోకి అడుగుపెట్టిన సంగతి తెలిసిందే. తనకు నచ్చినట్టు అన్ని సదుపాయాలతో ఉన్న ఇంటిని కొన్న నాగచైతన్య ఖర్చు విషయంలో అసలు వెనక్కి తగ్గలేనట్టు తెలుస్తుంది. ఇప్పటికే ఈ ఇంటికి సంబంధించిన ఫోటోలు, వీడియోలు సోషల్ మీడియాలో హల్చల్ చేయగా దీని ఖరీదు తెలిసి ఆశ్చర్యపోతున్నారు అభిమానులు.
అక్కినేని నాగచైతన్య తాజాగా హైదరాబాద్ జూబ్లీహిల్స్ లో కొత్త ఇల్లు కొని అందులోకి అడుగుపెట్టిన సంగతి తెలిసిందే. అత్యంత విలాసవంతంగా ఉన్న ఈ ఇంటిని చై తన అభిరుచికి తగినట్టు కట్టించుకుంటూనే అత్యంత లగ్జరీగా మార్చుకున్నట్లు తెలుస్తోంది. అలాగే కుటుంబానికి దగ్గరగా ఉండటానికి తన ఇంటికి దగ్గరగానే ఈ ఇంటిని కొన్నట్టు తెలుస్తోంది. కాగా ఈ విలాసవంతమైన ఇంటి కోసం నాగచైతన్య దాదాపు 20 కోట్లు ఖర్చుపెట్టినట్టు సమాచారం..
ఇప్పటికే పలు ఇంటర్వ్యూలో నాగచైతన్య తన వ్యక్తిగత జీవితం గురించి చెప్పుకొస్తూ తనకు ఒంటరిగా ఉండటమే ఇష్టం అంటూ తెలిపిన సంగతి తెలిసిందే. సమంతతో వివాహానికి ముందు కూడా హైదరాబాదులో ఓ ఇంట్లో కుటుంబానికి దూరంగా ఉండేవారు. ఒంటరిగా ఉంటే ఎన్నో విషయాలు అర్థమవుతాయని చెప్పుకొచ్చిన నాగచైతన్య సమంతతో పెళ్లి అనంతరం జూబ్లీహిల్స్ లో ఉండేవారు. విడాకులు అనంతరం ఆ ఇంటిని వదిలేసిన చైతన్య తండ్రితో పాటు ఉన్నారు. ప్రస్తుతం కొత్త ఇంటిని తీసుకొని అందులోకి అడుగు పెట్టారు. కాగా ఈ మధ్యనే “థాంక్యూ”, “లాల్ సింగ్ చద్దా” సినిమాలతో వరుసగా రెండు డిజాస్టర్లు అందుకున్న నాగచైతన్య త్వరలోనే “కస్టడీ” అనే సినిమాతో ప్రేక్షకుల ముందుకు రాబోతున్నారు. ప్రముఖ కోలీవుడ్ డైరెక్టర్ వెంకట్ ప్రభ్ దర్శకత్వంలో తెలుగు తమిళ్ బై లింగువల్ సినిమాగా ఈ చిత్రం త్వరలో ప్రేక్షకుల ముందుకి రాబోతోంది.
