Alia Bhatt: ఆర్‌ఆర్‌ఆర్ మూవీ హీరోయిన్, బాలీవుడ్ న‌టి అలియాభట్ ని మ‌రోసారి వివాదాలు చుట్టుముట్టాయి. కన్యాదానం చిక్కుల్లో పడింది. ఎరక్కపోయి ఇరుక్కున్నంత పనైంది. ఈ `కన్యాదానం` ఏంటీ, ఆమె చిక్కుల్లో ప‌డ‌టమేంటి అనుకుంటున్నారా?
ఆ వివరాల్లోకి వెళితే.. ఇటీవ‌ల అలియా భ‌ట్.. క్లాథింగ్ బ్రాండ్ మాన్యవార్-మోహే యాడ్ లో న‌టించింది. మాన్యవార్ బ్రాండ్… షేర్వాణీలు, కుర్తాలు, న‌గ‌ల‌ను తయారుచేసే విషయం తెలిసిందే. ఈ యాడ్‌లో హిందూ వివాహంలో ముఖ్య‌మైన క్ర‌తువైనా.. కన్యాదానాన్ని విమ‌ర్శించింది. పెళ్లికూతుర్ని `దానం` చేయడాన్ని అలియా ప్రశ్నిస్తుంది. హిందువులు అమ్మాయిలను భారంగా చూస్తారనీ, ఆ భారాన్ని తొలిగించాలి. కన్యాదాన కార్యక్రమంలో వరుడి తల్లిదండ్రులు కూడా పాల్గొని, కన్యా మాన్ జరిపించాలని కోరింది. అమ్మాయిలు ఆస్తులు కాదని, వాళ్ల‌కు కూడా గౌర‌వించాలని చెప్పుకొచ్చింది అలియాభట్. ఇప్పుడు ఈ యాడ్ అలియా భట్‌ని ఇబ్బందుల్లో పడేసింది. దుమారం రేగుతోంది. కన్యాదానం గురించి మాట్లాడిన తీరుపై విమర్శ‌లు వ్య‌క్త‌మ‌వుతున్నాయి.
ఈ యాడ్‌పై చిలుకూరు బాలాజీ ఆలయ ప్రధాన అర్చకులు రంగరాజన్ ఆగ్రహం వ్యక్తం చేస్తున్నారు. ప్రధానంగా అలియాపై, ఆ నగల సంస్థపై మండిప‌డ్డారు. హిందు ఆచారాల‌ను ప్ర‌శ్నించ‌డం స‌రికాద‌ని, ఓ యాడ్ ఏజేన్సీ హైంద‌వుల‌కు నీతులు చెప్పటం హాస్యాస్పదమ‌ని ఆగ్రహం వ్యక్తం చేశారు.
వేల ఏండ్లుగా భారతీయ సంస్కృతి, నాగరికత కొనసాగుతున్నాయని, పెళ్లికూతురుని మహాలక్ష్మీ స్వరూపంగా భావించే సాంప్రదాయం హిందువులది చుర‌క‌లాంటించారు. ఈ యాడ్‌ను తక్షణం తొల‌గించాలి.
ఇదిలా ఉంటే.. బాలీవుడ్ ఫైర్‌ బ్రాండ్ కంగనా రనౌత్ కూడా ఈ యాడ్ పై ఘాటుగా స్పందించింది. యాడ్‌లో మతాన్ని, సంప్రాదాయాలను ప్రస్థావించ‌డం సారికాద‌ని ఫైర్‌ అయ్యింది. మ‌రోవైపు అలియా ను నెటిజ‌న్లు ఆడుకుంటున్నారు. యాడ్‌ని మీమ్స్ గా మార్చి పోస్టులు పెడుతున్నారు. దీంతో ఇప్పుడు అలియా నేషనల్‌ వైడ్‌గా ట్రెండింగ్‌గా మారింది.
