వ్యక్తిగతంగా నాకు కుటుంబంపై కక్ష సాధించేందుకు ఇదంతా చేశారు. ఇప్పటికే నా కుటుంబాన్ని అన్ని రకాలుగా బాధించారు. నా తమ్ముడిని లోపల వేశారు. కేసులన్నీ కక్షసాధింపు లో భాగమే ” అంటూ జేసీ దివాకర్ రెడ్డి తాను పడుతున్న ఇబ్బందులను మీడియా ముఖంగా చెప్పుకున్నారు. ఈ సందర్భంగా జగన్ తన జోలికి ఎందుకు రావట్లేదు అనే విషయాన్ని కూడా జెసి చెప్పుకొచ్చారు. ” బహుశా నేను ఎప్పుడూ, జగన్ మా వాడు మా వాడు అంటున్నా కదా, ఆ కారణం వల్ల కావచ్చు. నన్ను ఇంతవరకు ఏమీ చేయలేదు. గనులను మూసివేసేందుకు స్కెచ్ లు వేస్తున్నారు.
ఈ గనులు తప్ప ఇతర ఆస్తిపాస్తులు ఏవీ నాకు లేవు. అందులో వచ్చే ఆదాయంతో నేను అన్నం తింటున్నాను. వాటిని కూడా లేకుండా చేసి, తినడానికి తిండి లేకుండా మాడ్చి చంపడానికేనా ఇదంతా ? పర్మిట్లు తీసుకుందాం అనుకుంటే .. మీ నాయకుడు కి చెప్పు మీ అబ్బ కు చెప్పు అన్నట్లుగా ఆఫీస్ నుంచి వెళ్లారు” అంటూ జెసి వెటకారం సైతం చేశారు. నా భార్యకు పెరాలసిస్. నడవలేని పరిస్థితి, పర్మిట్ల కోసం మరోసారి వస్తాను. అక్కడే కూర్చుంటా. మైనింగ్ కు పర్మిట్ ఇవ్వకుంటే అన్నం లేకుండా మాడి పైకి పోతాం. నాకు నా భార్యకి వయస్సు అయిపోయింది. వాళ్ళ కోరిక కూడా నెరవేరుతుంది.
ఇక్కడే కూర్చుని నిరాహార దీక్ష చేస్తా ! పోలీసులు సత్కారం చేయడానికి రెడీగా ఉన్నారు. ఎన్నో సత్కారాలు అనుభవించిన పెద్దవాడిని, అందరికీ చెబుతున్నా, మీరు నాకు సత్కారం చేస్తారు. అందుకు రెట్టింపు సత్కారం కూడా మీకు ఏదో ఒక రోజు వస్తుంది. నాకు సత్కారం చేసే పెద్ద వాళ్ళకు సత్కారం చేసి మా రుణం తీర్చుకుంటాము. ఇంతకంటే ఘనమైన సత్కారం తీసుకోక తప్పదు” అంటూ మనసులోని బాధను జేసీ వెళ్లగక్కారు.
