విజయవాడకు గుడ్ న్యూస్… మే 3నుంచి ఢిల్లీకి నేరుగా ఫ్లైట్

విజయవాడ వాసులుకు గుడ్ న్యూస్ ఇకపై ఢిల్లీ వెళ్లాలనుకునే వారు నేరుగా విజయవాడ నుంచి వెళ్లే అవకాశం లభించనుంది. పలు కారణాల వల్ల గత రెండు నెలలుగా నిలిచిపోయిన విజయవాడ- ఢిల్లీ ఏయిరిండియా విమానం పున: ప్రారంభం కానుంది. మే 3 నుంచి ఢిల్లీకి సర్వీసులు ప్రారంభం కానున్నాయి. ఇన్నాళ్లు ఢిల్లీకి వెళ్లాలనుకునే విజయవాడ వాసులు హైదారాబాద్ లేకపోతే వైజాగ్ నుంచి వెళ్లాల్సి వచ్చేంది. ప్రస్తుతం ఈ బాధలు తీరనున్నాయి.ప్రతీ మంగళవారం, బుధ, గురు, శుక్రవారాల్లో ఢిల్లీ నుంచి ఉదయం 6 గంటలకు బయలుదేరి 8.35కు విజయవాడ చేరుతుంది. అలాగే 9.15 కు విజయవాడ నుంచి బయలు దేరి 11.30గంటలకు ఢిల్లీ చేరుకుంటుంది. జూన్ నుంచి ప్రతీ రోజు ఈ సర్వీసుల తిరుగనున్నాయి. ప్రస్తుతం విజయవాడ నుంచి అలయన్స్ ఏయిర్ బెంగళూర్, హైదరాబాద్ కు సర్వీసులు నడుపుతోంది. ఇండిగో ఎయిర్ లైన్స్ సంస్థ బెంగళూర్, చెన్నై, హైదరాబాద్, తిరుపతి, కడప, వైజాగ్ సిటీలకు సర్వీసులను నడుపుతోంది.