జ‌మ్ము కాశ్మీర్ లో ఈ రోజు ఉద‌యం నుంచి ఉగ్ర‌వాదుల‌కు భ‌ద్ర‌తా బ‌ల‌గాల మ‌ధ్య కాల్పులు జ‌రిగియి. ఈ కాల్పులలో న‌లుగురు ఉగ్ర‌వాదుల‌ను భ‌ద్ర‌తా బ‌ల‌గాలు హ‌త‌మార్చాయి. కాశ్మీర్ లోని పుల్వామా జిల్లాలో ఉగ్ర‌వాదుల‌ను ఈ రోజు సాయంత్రం మ‌ట్టుబెట్టారు. అలాగే షోపియాన్ జిల్లాలో కూడా ఇద్ద‌రు ఉగ్ర‌వాదుల‌ను హ‌తమార్చారు. కాగ పుల్వామాలో జరిగిన కాల్పులలో చ‌నిపోయిన ఉగ్ర‌వాదుల వివ‌రాలు తెలియాల్సి ఉంద‌ని పుల్వామా జిల్లా కు చెందిన ఒక అధికారి తెలిపారు.
అలాగే షోపియాన్ జిల్లాలో మ‌ర‌ణించిన ఉగ్ర‌వాదులు ల‌ష్కర్ ఏ తోయిబా కు చెందిన వార‌ని తెలిపారు. కాగ పుల్వామాలోని త్రాల్ ప్రాంతంలో ఉన్న హ‌ర్దుమీర్ లో ఉగ్ర‌వాదులు ఉన్నార‌నే స‌మాచారంతో సాయంత్రం భ‌ద్ర‌తా బ‌ల‌గాల‌తో హ‌ర్ధుమీర్ చేరుకున్నామని తెలిపారు. అయితే ఉగ్ర‌వాదుల కోసం భ‌ద్ర‌తా బ‌ల‌గాలు త‌నిఖీలు చేస్తున్న స‌మయంలో ఉగ్ర‌వాదులు కాల్పులు జ‌రిపార‌ని.. దీంతో భ‌ద్ర‌తా బ‌ల‌గాలు కూడా కాల్పులు జ‌రిపి ఇద్ద‌రు ఉగ్ర‌వాదుల‌ను హ‌త‌మార్చామ‌ని తెలిపారు.
