బలగం.. ఇప్పుుడు తెలుగు రాష్ట్రాల్లో ఎక్కడ చూసిన ఈ పేరే వినిపిస్తోంది. ఇద్దరు సినిమా లవర్స్ ఒకచోట కలిస్తే ఈ చిత్రం గురించి మాట్లాడుకోకుండా ఉండటం లేదు. చిన్న సినిమాగా విడుదలై.. అటు కలెక్షన్స్లో ఇటు అవార్డుల పంట పండిస్తూ అందరి మన్ననలు అందుకుంటోంది. కంటెంట్లో సరైన ఎమోషన్ ఉండి.. ప్రేక్షకుడిని కనెక్ట్ చేసే పాయింట్ ఉంటే.. మూవీ చిన్నదైనా పెద్దదైనా ప్రేక్షకులు బ్రహ్మరథం పడతారని మరోసారి ప్రూవ్ చేసిన సినిమా బలగం.
బలగం సినిమా ఇప్పటికే పలు అంతర్జాతీయ అవార్డులు అందుకున్న ఈ సినిమా తాజాగా అరౌండ్‌ ఇంటర్నేషనల్‌ అవార్డ్స్‌ – ఆమ్‌స్టర్‌డామ్‌ కార్యక్రమంలో మరో అవార్డు సొంతం చేసుకుంది. ఉత్తమ దర్శకుడి విభాగంలో వేణు దీనిని అందుకున్నారు. యూకే, యూఎస్‌, చైనా.. ఇలా పలు దేశాలకు చెందిన చిత్రాలు, దర్శకులను వెనక్కి నెట్టి వేణు ఈ అవార్డును అందుకోవడంపై సినీ ప్రియులు ఆనందం వ్యక్తం చేస్తున్నారు. తాజాగా వచ్చిన అవార్డుతో ‘బలగం’ ఖాతాలో ఏకంగా తొమ్మిది అవార్డులు చేరాయని దర్శకుడు వేణు పేర్కొన్నారు
