బసవతారకం క్యాన్సర్ హాస్పిటల్ చైర్మన్ నందమూరి బాలకృష్ణ కీలక వ్యాఖ్యలు చేసారు. ఆస్పత్రికి ఉత్తమ అవార్డ్ లు రాగా దానిపై బాలకృష్ణ స్పందించారు. మన హాస్పిటల్ కి వచ్చిన ఈ అవార్డు ల ప్రోత్సహం తో మేము మరిన్ని సేవలు అందించే ప్రయత్నం చేస్తాము అని ఆయన అన్నారు. నిరుపేదల వైద్యం కోసం 3కోట్ల రూపాయలు ట్రస్ట్ కు కేటాయించామని ఆయన పేర్కొన్నారు.
మన హాస్పిటల్ కు 6 వ ఉత్తమ క్యాన్సర్ హాస్పిటల్ అవార్డు రావడం సంతోషంగా ఉంది అన్నారు. 2011లో 13 వ స్థానం నుంచి 2020నాటికి 6 వ స్థానానికి చేరుకున్నాం అని హర్షం వ్యక్తం చేసారు. దీనిని మొదటి స్థానానికి తీసుకెళ్లడానికి కృషి చేస్తాను అని ఆయన తెలిపారు. అధునాతన పరికరాలతో, అంతర్జాతీయ ప్రమాణాలతో బసవతారకం హాస్పిటల్ సేవలు అందిస్తుందని ఆయన వివరించారు.
