బిజెపి ఆదాయం ఎంత పెరిగిందో తెలిస్తే…!

కేంద్రంలో అధికారంలో ఉన్న భారతీయ జనతా పార్టీ ఆదాయం భారీగా పెరిగింది. గత ఆర్ధిక సంవత్సరానికి సంబంధించిన ఆదాయం, ఖర్చులు వివరాలను ఎలక్షన్ కమిషన్‌ కు సమర్పించిన లెక్కల ప్రకారం ఆదాయం 134 శాతం పెరిగింది. 2018-19 ఆర్ధిక సంవత్సరంలో మొత్తం రూ.2,410 కోట్ల ఆదాయం సమకూరినట్టు పేర్కొంది. 2017-18 ఆర్ధిక సంవత్సరంలో రూ.1,027 కోట్లుగా ఉండగా,

బీజేపీకి గత ఆర్ధిక సంవత్సరంలో సమకూరిన ఆదాయంలో రూ.1,450 కోట్లు ఎలక్ట్రోల్ బాండ్ల ద్వారా వచ్చినట్టు వివరించింది. ఇదే 2017-18 విషయానికి వస్తే మాత్రం రూ.210 కోట్లు మాత్రమే ఎలక్ట్రోల్ బాండ్ల ద్వారా వచ్చిందట. 2018-19 ఆర్ధిక సంవత్సరంలో రూ.1,005 కోట్లు ఖర్చుచేసినట్టు పేర్కొంది. ఈ ఖర్చులు 2017-18తో పోలిస్తే 32 శాతం అధికంగా ఉండటం గమనార్హం. 2017-18లో రూ.758 కోట్లుగా ఉంది.

2018-19 ఆర్ధిక సంవత్సరంలో రూ.792 కోట్లు. ఈ మొత్తాన్ని ఎన్నికలు, సాధారణ ప్రచారం కోసం వినియోగించినట్టు వివరించింది. ప్రధాన ప్రతిపక్షం కాంగ్రెస్ పార్టీ ఆదాయం కేవలం రూ.918 కోట్లు అయితే, 2017-18తో పోల్చితే ఇది నాలుగు రెట్లు అధికం కావడం విశేషం. 2017-18లో ఇది రూ.199 కోట్లు కాగా, 2018- 19లో రూ.918 కోట్లు. ఖర్చులు రూ.470 కోట్లుగా తెలిపింది. ఎలక్ట్రోల్ బాండ్ల ద్వారా 2017-18లో కేవలం రూ.5 కోట్లు మాత్రమే ఆ పార్టీకి విరాళంగా రాగా, 2018-19లో ఇది రూ.383 కోట్లుగా ఉంది.