ద్విచక్ర వాహనదారులకు హెల్మెట్ ప్రమాదాల నుంచి రక్షిస్తుంది.అయితే హెల్మెట్ పెట్టుకోవడం వల్ల ఫోన్ మాట్లాడటం చాలా కష్టం అవుతుంది..అలాంటి వారికోసం సరికొత్త ఫీచర్స్ తో ఒక హెల్మెట్ మార్కెట్ లోకి వచ్చింది.. దాని ఫీచర్స్, ధర గురించి ఇప్పుడు తెలుసుకుందాం..
ఈ హెల్మెట్ లోపల, చెవి దగ్గర రెండు చిన్న స్పీకర్లను మరియు నోటి దగ్గర ఒక చిన్న మైక్ జతచేయబడి ఉంటుంది. అలాంటి రెండు హెల్మెట్‌లు బ్లూటూత్ ద్వారా ఒకదానికొకటి కనెక్ట్ చేయబడితే, ఇద్దరూ ఇంటర్‌కామ్ లాగా ఒకరితో ఒకరు మాట్లాడుకోవచ్చు..
ఈ హెల్మెట్‌ను మొబైల్‌కి కనెక్ట్ చేసి ఉంటే, మీరు ఏ కాల్‌ను మిస్ చేయలేరు. డ్రైవింగ్ చేస్తున్నప్పుడు ఫోన్ కాల్స్ చేయడం ట్రాఫిక్ నిబంధనలకు విరుద్ధం అయినప్పటికీ, మీరు చేయగలిగేది కనీసం కాల్ పికప్ చేసి మీరు మీ బైక్ నడుపుతున్నట్లు చెప్పడం. ఈ విధంగా మీరు ఏ ముఖ్యమైన కాల్‌ను కోల్పోరు. దీనితో పాటు, ఈ హెల్మెట్‌లో మీ మొబైల్‌ను కనెక్ట్ చేయడం ద్వారా మీరు మ్యూజిక్ ను కూడా ఎంజాయ్ చేయొచ్చు..
ఇకపోతే బైకర్ గ్రూప్‌తో ఎక్కువ దూరం ప్రయాణించే వారికి కూడా ఈ హెల్మెట్ చాలా ఉపయోగ పడుతుంది. దీని ద్వారా 6 వ్యక్తులను ఒకేసారి కనెక్ట్ చేయవచ్చు మరియు ఇంటర్‌కామ్ లాగా మాట్లాడవచ్చు. దీని పరిధి 800 నుండి 1200 మీటర్ల వరకు కనెక్ట్ చేస్తుంది.బొగోట్టో కంపెనీకి చెందిన ఈ హెల్మెట్ ధర రూ.14800. మీరు ఈ ధర ఎక్కువగా ఉన్నట్లయితే, మీరు మీ సాధారణ హెల్మెట్ కోసం బ్లూటూత్ ఇంటర్‌కామ్ పరికరాన్ని కూడా తీసుకోవచ్చు.అది రూ.2500 మాత్రమే ఉంటుంది..
