ర‌వీంద్ర జ‌డేజా సార‌థ్యంలో ఉన్న చెన్నై సూప‌ర్ కింగ్స్ మ‌రో సారి నిరాశే ఎద‌రైంది. ఇప్ప‌టికే కోల్‌క‌త్త నైట్ రైడ‌ర్స్ జట్టుపై ఓడిన చెన్నై సూప‌ర్ కింగ్స్ జ‌ట్టు.. తాజా గా లక్నో సూప‌ర్ జెయింట్స్ పై కూడా ఓట‌మి పాలైంది. 6 వికెట్ల తేడాతో లక్నో సూప‌ర్ జెయింట్ విజ‌యం సాధించింది. కాగ ఈ మ్యాచ్ లో తొలుత బ్యాటింగ్ చేసిన చెన్నై సూప‌ర్ కింగ్స్ భారీ స్కోర్ చేసింది. ఉతప్ప (50), మొయిన్ అలీ (35), శివ‌మ్ దూబె (49), అంబ‌టి రాయుడు (27) తో పాటు జ‌డేజా (9 బంతుల్లో 17), ధోని ( 6 బంతుల్లో 16 నాటౌట్) రాణించారు.
దీంతో చెన్నై సూప‌ర్ కింగ్స్.. నిర్ణిత 20 ఓవ‌ర్ల‌లో ఏడు వికెట్లు కోల్పోయి.. 210 ప‌రుగులు చేసింది. లక్నో బౌల‌ర్లు.. అవేశ్ ఖాన్, ర‌వి బిష్ణోయ్, అండ్రూ టై 2 వికెట్ల చొప్పున తీసుకున్నారు. కాగ 211 భారీ ల‌క్ష్యంతో బ‌రిలోకి దిగ‌న లక్నో.. కెప్టెన్ రాహుల్ (40), డి కాక్ (61), ఎవిన్ లూయిస్ (23 బంతుల్లోనే 55 నాటౌట్ ) తో పాటు చివ‌ర్లో ఆయూశ్ బ‌దోని ( 9 బంతుల్లో 19 నాటౌట్ ) మెరుపు ఇన్నింగ్స్ ఆడారు.
మ‌రో 3 బంతులు మిగిలి ఉండ‌గానే.. లక్నో సూప‌ర్ జెయింట్స్ విజ‌యం సాధించింది. చెన్నై బౌల‌ర్లు.. డ్వైన్ ప్రీటోరియ‌స్ 2, బ్రోవో, దేశ్ పాండే ఒక్కో వికెట్ చొప్పున తీశారు. ఎవిన్ లూయిస్ కు మ్యాన్ ఆఫ్ ది మ్యాచ్ అవార్డు ల‌భించింది.
