ఒక మనిషిని తెలివైనవాడిగా చూపెట్టగలిగేది ఒక్క బ్రెయిన్‌ మాత్రమే.. మన బ్రెయిన్‌ ఎంత షార్పుగా ఉంటే..మనం అంత యాక్టివ్‌గా ఉంటాం. కొందరు ట్యూబ్‌లైట్‌లా ఉంటారని మనం ఫన్నీగా అంటాం. అంటే వారి మెదడు డిమ్‌గా ఉండి, విషయాలను త్వరగా గ్రహించకుండా ముద్దపప్పులా ఉంటే.. వీడికి ఇంకా బల్బు వెలగలేదు.. ట్యూబ్‌లైట్‌ అని అంటారు. బ్రెయిన్‌ను లైట్‌తో ఇక్కడ ఫన్నీగా పోల్చాం కానీ నిజంగానే బ్రెయిన్‌ బల్బును వెలిగించగలదు తెలుసా..? అర్థంకాలేదా..? బ్రెయిన్‌ నుంచి వచ్చే కరెంట్‌తో ఒక బల్బును వెలిగించవచ్చు. బ్రెయిన్‌ గురించి మీకు తెలియని ఇంట్రస్టింగ్‌ విషయాలు చాలా ఉన్నాయి.. అవేంటంటే..
పూర్వం ప్రజలు రెండు రాళ్లను రుద్దుతూ నిప్పును ఉపయోగించేవారని మనం చదువుకున్నాం. మన మెదడులో ప్రవహించే శక్తితో కూడా దీపాన్ని వెలిగించవచ్చు. మన మెదడు 10 నుండి 23 వాట్లకు సమానమైన శక్తిని ఉత్పత్తి చేస్తుందట. మన మెదడు ఉత్పత్తి చేసే శక్తి ద్వారా ఒక చిన్న బల్బును వెలిగించవచ్చు.
మనస్సును నియంత్రించడం చాలా కష్టం. ఒక వైపు దృష్టి పెట్టడానికి మనం ఎంత శ్రద్ధపెట్టినా.. ఒక పని చేస్తున్నప్పుడే వందలాది పనులు, ఆలోచనలు, జ్ఞాపకాలు వచ్చి చేరుతాయి. సామాన్యులకు ఒక పని మీద ఏకాగ్రత ఉండడం కష్టం. మనసులో ఎన్నో ప్రశ్నలు. కొన్నింటికి తక్షణమే సమాధానం ఇవ్వవచ్చు, మరికొన్ని సంవత్సరాలు పట్టవచ్చు. మనిషి రోజులో 50-70 వేల సార్లు ఆలోచిస్తాడట.
మీ ఎదురుగా నిలబడిన వ్యక్తి ఆవలిస్తే, మీరు కూడా ఆవలిస్తారు. మీ మెదడులోని మిమిక్ సెల్స్ దీనికి కారణం. ఇది కమ్యూనికేట్ చేసే మరియు సంబంధాలను నిర్మించే పనిని చేస్తుంది. శరీరంలో ఆక్సిజన్ తక్కువగా ఉన్నప్పుడు, మన శ్వాస మందగిస్తుంది. ఈ సమయంలో మరింత ఆక్సిజన్ పొందడానికి, ఎక్కువ కార్బన్ డయాక్సైడ్ విడుదల చేయడానికి ఆవులిస్తారట..
మానసికంగా కుంగిపోయిన వ్యక్తికి విద్యుత్ షాక్ ఇవ్వడం మీరు చూసి ఉంటారు. ఇలా చేయడం వల్ల రోగి మెదడులోని రెండు వేర్వేరు భాగాల మధ్య ఏర్పడిన అవాంఛిత బంధం తెగిపోతుంది. ఇది వ్యక్తి యొక్క ఆరోగ్యాన్ని రికవరీకి దారితీస్తుంది. మెదడులోని ఒక భాగం వ్యక్తి యొక్క మానసిక స్థితిని నిర్ణయిస్తుంది. మరొక భాగం ఆలోచించే, ఏకాగ్రత సామర్థ్యానికి సంబంధించినది. విద్యుత్ షాక్ ఇచ్చినప్పుడు, మెదడు యొక్క సహజ రసాయన శాస్త్రం సమతుల్యతలోకి వస్తుంది.
