ప్రపంచవ్యాప్తంగా సినీ ప్రియులు ఎంతో ఉత్కంఠతో ఎదురుచూసిన ‘95వ ఆస్కార్‌అవార్డుల ప్రదానోత్సవం ఘనంగా జరిగింది. లాస్‌ ఏంజిల్స్‌లోని డాల్బీ థియేటర్‌లో జరిగిన ఈ వేడుకకు హాలీవుడ్ సినీ తారలతో పాటు ఆస్కార్కు నామినేట్ అయిన వారంతా హాజరయ్యారు. తెలుగు సినిమా ఇండస్ట్రీ నుంచి ఆర్ఆర్ఆర్ చిత్రబృందం కూడా ఈ ఈవెంట్లో పాల్గొంది. పాల్గొనడమే కాకుండా నాటు నాటు పాటకు బెస్ట్ ఒరిజినల్ సాంగ్ కేటగిరీలో ఆస్కార్ను దక్కించుకుంది.
ఇక ఈ వేడుకల్లో ‘ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌’ అనే సినిమా క్లీన్ స్వీప్ చేసింది. ఏకంగా ఈ మూవీ ఏడు అవార్డులను అందుకుని విజయకేతనం ఎగురవేసింది. ఉత్తమ దర్శకుడు, ఉత్తమ చిత్రం, ఉత్తమ నటి అవార్డులు ఆ చిత్రానికే వరించాయి. మరోవైపు, మన దేశం నుంచి నామినేట్ అయిన ‘ఆర్ఆర్ఆర్’ ఉత్తమ ఒరిజినల్ సాంగ్ కేటగిరిలో ‘నాటు నాటు’పాటకు ఆస్కార్ దక్కింది. ఉత్తమ డాక్యుమెంటరీ షార్ట్‌ ఫిల్మ్‌ విభాగం నుంచి ‘ది ఎలిఫెంట్‌ విస్పరర్స్‌’ అవార్డును సొంతం చేసుకుంది.
