టాలీవుడ్‌ యంగ్ హీరో సత్య దేవ్ న‌టిస్తున్న తాజా సినిమా గాడ్సే. గాడ్సే సినిమా ను గోపి గ‌ణేశ్ ద‌ర్శ‌క‌త్వంలో తెర‌కెక్కుతుంది. అలాగే సీకే స్క్రీన్స్ బ్యాన‌ర్ పై సీ కళ్యాణ్ ఈ సినిమా ను నిర్మిస్తున్నారు. ఈ సినిమాలో మ‌ల‌యాళ న‌టి ఐశ్వర్య ల‌క్ష్మి మొద‌టి సారి తెలుగు లో హీరోయిన్ గా న‌టిస్తుంది. అలాగే నాస‌ర్, సాయాజీ షిండే, కిషోర్, బ్ర‌హ్మ‌జీ కీలక పాత్ర‌ల‌లో న‌టిస్తున్నారు.
ఇక ఇప్ప‌టి ఈ సినిమా నుంచి వ‌చ్చిన పోస్ట‌ర్లు, టీజ‌ర్ సినిమాపై అంచ‌నాలు పెంచ‌గా.. .. తాజాగా ఈ సినిమా లో నుంచి మ‌రో బిగ్ అప్డేట్ వ‌చ్చింది. ఈ సినిమా ట్రైలర్ ను విడుదల చేసింది చిత్ర బృందం. ఈ సినిమా ట్రైలర్ మెగా హీరో వరుణ్‌ తేజ్‌ చేతుల మీదుగా విడుదల చేశారు. ఇక ఈ ట్రైలర్ లో హీరో సత్య దేవ్ దుమ్ము లేపాడు. త‌న దైన డైలాగులతో… అంద‌రినీ ఆక‌ట్టుకున్నాడు సత్య దేవ్. ఇక ట్రైలర్ తో సినిమా పై అంచ‌నాలు భారీ గా పెరిగిపోయాయి.
