పచ్చి బఠానీలలో ప్రోటీన్, ఐరన్, పొటాషియం, విటమిన్ కే, ఫోలేట్, విటమిన్ ఏ మరియు విటమిన్ సి పుష్కలంగా ఉంటాయి. పచ్చి బఠానీలను తినడం వలన జీర్ణ ప్రక్రియ మెరుగ్గా ఉంటుంది. బరువు తగ్గాలనుకునే వారు వీటిని తినడం వలన ఎంతో ఉపయోగం ఉంటుంది. దీర్ఘకాలిక కంటి సమస్యలతో బాధపడే వారికి పచ్చి బఠానీలు చాలా సహాయపడతాయి. రక్తంలో చక్కెర స్థాయిలను తగ్గించడానికి పచ్చి బఠానీలు ఎంతో కీలక పాత్ర పోషిస్తాయి. కనుక మీ రోజు వారి ఆహారంలో వీటిని తప్పకుండా చేర్చుకోండి. పచ్చి బఠానీలలో ఉండే ఐరన్ రక్తహీనత సమస్యను నివారించడానికి సహాయపడుతుంది. కనుక రక్తహీనత సమస్య తో బాధపడేవారు రక్తాన్ని పెంచుకోవాలి అని అనుకుంటే తప్పకుండా పచ్చి బఠానీలను మీ ఆహారంతో పాటుగా తీసుకోండి.
శాకాహారులకు ఇది బెస్ట్ ప్రోటీన్ అని చెప్పవచ్చు. అంతేకాకుండా వీటిలో తక్కువ క్యాలరీలు ఉండడం వలన తక్కువ మోతాదు తీసుకున్నా కడుపు నిండుతుంది. వీటిలో ఉండే ఫైబర్ జీర్ణ వ్యవస్థ ను మెరుగ్గా పనిచేస్తుంది. పచ్చి బఠానీలలో క్యాల్షియం, మెగ్నీషియం, పొటాషియం వంటి మొదలైన మినరల్స్ కూడా ఉన్నాయి. వీటి వలన గుండె ఆరోగ్యం మెరుగుపడుతుంది. ఈ విధంగా హై బీపీ వంటి సమస్యలను కూడా తగ్గించుకోవచ్చు. తరచుగా పచ్చి బఠానీలను మీ ఆహారం లో తీసుకోవడం వలన క్యాన్సర్ వంటి దీర్ఘకాలిక సమస్యలు రాకుండా ఉంటాయి. వీటిలో ఉండే యాంటీ ఆక్సిడెంట్లు ఇన్ఫ్లమేషన్ వంటి సమస్యలను తగ్గిస్తాయి. వీటిలో ఉండే విటమిన్ ఏ మరియు విటమిన్ సి కొలాజిన్ ఉత్పత్తిని పెంచుతాయి. దీంతో ముడతలు వంటి చర్మ సమస్యలు వచ్చే అవకాశాలు తక్కువగా ఉంటాయి. కనుక పచ్చి బఠానీలను తప్పకుండా మీ ఆహారంతో పాటుగా తీసుకోండి.
