ఆర్ ఎక్స్ 100 ద్వారా ఇండ‌స్ట్రీకి ఎంట్రీ ఇచ్చి మంచి గుర్తింపు తెచ్చుకున్నాడు హీరో కార్తికేయ. ఈయ‌న చేసిన సినిమాలు అన్నీ మంచి గుర్తింపు తెచ్చుకున్నా.. కొన్ని ప్లాపులు కూడా ఉన్నాయి. అయితే ఇప్పుడు కెరీర్‌లో ఏడో సినిమా చేస్తున్నాడు హీరో కార్తికేయ. ఆయ‌న రీసెంట్‌గా న‌టించిన చావుక‌బురు చ‌ల్లగా ఎన్నో అంచ‌నాల న‌డుమ వ‌చ్చి ప్లాప్ టాక్ తెచ్చుకుంది. అలా కార్తికేయ సరైన హిట్‌ కోసం ఎంతో తలపిస్తున్నారు.
ఇది ఇలా ఉండగా… ఈ టాలీవుడ్‌ యంగ్‌ హీరో కార్తికేయ… పెళ్లి పీటలు ఎక్కనున్నారు. టాలీవుడ్‌ హీరోలు వరుసగా పెళ్లిళ్లు చేసుకుంటున్న నేపథ్యం లో… హీరో కార్తికేయ కూడా అదే బాట పట్టారు. ఇందులో భాగంగానే… తాజాగా హీరో కార్తికేయ ఎంగేజ్మెంట్ కూడా చేసేసుకున్నాడు. తక్కువ మంది అతిథులతో… గుట్టు చప్పుడు కాకుండా కార్తికేయ…. ఎంగేజ్మెంట్ చేసుకున్నారు. తన ఫ్యామిలీ కి దగ్గరి చుట్టమైన ఓ అమ్మాయినే పెళ్లాడున్నాడట. అయితే.. వీరిద్దరి ఎంగేజ్మెంట్ ఫోటోలు ప్రస్తుతం సోషల్‌ మీడియాలో వైరల్‌ అవుతున్నాయి. కాగా.. కార్తికేయ పెళ్లి తేదీ మాత్రం ఇంకా ఖరారు కాలేదు. దీనిపై త్వరలోనే క్లారిటీ రానుంది.
