తెలంగాణ లోని తుంగతుర్తి ఎమ్మెల్యే, బీఆర్ఎస్ నేత గాదరి కిశోర్‌కు హైకోర్టులో చుక్కెదురైంది. గాదరి కిశోర్ ఎన్నికను సవాల్ చేస్తూ గతంలో హైకోర్టులో పిటిషన్ దాఖలైన విషయం తెలిసిందే. కాంగ్రెస్ నేత అద్దంకి దయాకర్ ఆ పిటిషన్ వేశారు. ఎన్నికల అఫిడవిట్ లో గాదరి కిశోర్ తప్పుడు సమాచారం ఇచ్చారని ఆ పిటిషన్ దాఖలు చేశారు. అయితే, అద్దంకి దయాకర్ పిటిషన్ ను కొట్టివేయాలని హైకోర్టులో గాదరి కిశోర్ పిటిషన్ దాఖలు చేశారు.
ఆ పిటిషన్ స్వీకరణపై హైకోర్టు ఇవాళ నిర్ణయం తీసుకుంది. గాదరి కిశోర్ వేసిన పిటిషన్ ను కొట్టి వేస్తున్నట్లు ప్రకటించింది.
ఇది ఇలా ఉంటె , అనూహ్యంగా హైకోర్టు గాదరి కిషోర్ పిటిషన్‌నే డిస్మిస్ చేయడం చర్చనీయాంశమైంది. అంతేకాదు సాక్ష్యుల లిస్ట్ ఫైనల్ చేయాలని అధికారులను కోర్టు ఆదేశించింది. తదుపరి విచారణను సెప్టెంబర్ 4వ తేదీకి వాయిదా వేసింది హైకోర్టు.
