తాజాగా కృష్ణా జిల్లాలో తెలుగుదేశం పార్టీ విస్తృత స్థాయి సమావేశంలో ఫ్లెక్సీల వివాదం రచ్చ రచ్చ అయింది. స్టేజీపై ఏర్పాటు చేసిన ఫ్లెక్సీలో బుద్దా వెంకన్న ఫోటో లేకపోవడంతో మొదట ఆయన అనుచరులు తీవ్ర అసంతృప్తి వ్యక్తం చేశారు. దీంతో బుద్ధా వెంకన్న స్టేజి పైకి వెళ్లకుండా కార్యకర్తలతోనే కూర్చున్నారు. ఆయనని స్టేజ్ పైకి రమ్మన్నా వెళ్లడానికి ఇష్టపడలేదు. దీంతో మాజీ మంత్రి కొల్లు రవీంద్ర వచ్చి బుజ్జగించిన బుద్ధా వినిపించుకోలేదు.
పొలిటి బ్యూరో సభ్యుడు వర్ల రామయ్య బతిమాలిన బుద్ధ వెంకన్న వినకుండా వెళ్ళిపోయారు. కన్నీళ్లు పెట్టుకొని సమావేశం నుంచి వెళ్ళిపోయారు. దీంతో ఆయన టిడిపిని విడబోతున్నారు అంటూ సోషల్ మీడియాలో వార్తలు హల్చల్ చేశాయి. ఈ ప్రచారంపై బుద్దా వెంకన్న స్పందించారు. వాటిని తీవ్రంగా ఖండిస్తున్నానని.. అలాంటి ఆలోచన ఏదీ తనకు లేదని, కొందరు కావాలనే తనపై ఇలాంటి దుష్ప్రచారం చేస్తున్నారని ఆగ్రహం వ్యక్తం చేశారు. తాను బతికి ఉన్నంతవరకు టిడిపిలోనే ఉంటానని, చంద్రబాబుతో కలిసి పనిచేస్తానని చెబుతూ పుకార్లకు చెక్ పెట్టారు.
