భారత్‌లో మరికొన్ని చైనీస్ యాప్స్ పై కేంద్ర ప్రభుత్వం నిషేధం విధించిందని తెలుస్తుంది. షావోమీకి చెందిన బ్రౌజర్, బైడుకు చెందిన బ్రౌజర్ యాప్స్ మీద నిషేధం విధించినట్టు వార్తలు వస్తున్నాయి. ఈ విషయంపై కేంద్రం ఎలాంటి అధికారిక ప్రకటన చేయలేదు. ఈ విషయాన్ని రాయిటర్స్ తెలిపింది. అయితే, మొత్తం ఎన్ని యాప్స్ మీద బ్యాన్ ఉందనే విషయం మాత్రం స్పష్టంగా చెప్పలేదు.
అయితే ఇప్పటికే జూన్‌లో నిషేధించిన 59 చైనీస్ యాప్స్ కి క్లోన్ అయిన 47 చైనీస్ యాప్‌ లను భారత్ నిషేధించిన విషయం తెలిసిందే. గల్వాన్ లోయ ఘటన తర్వాత దేశవ్యాప్తంగా చైనా వస్తువులు, కంపెనీలను నిషేధించాలని డిమాండ్లు వెల్లువెత్తాయి. ఈ క్రమంలోనే చైనాతో తెగదెంపులు చేసుకుంటోంది భారత్. ఈ క్రమంలోనే చైనా కంపెనీలతో చేసుకున్న పలు ఒప్పందాలను రైల్వేశాఖ కూడా రద్దుచేసుకున్న విషయం తెలిసిందే.
