2023 ఆరంభంలో శ్రీలంకతో జరగనున్న టి20, వన్డే సిరీస్ ల కోసం 16 మంది ఆటగాళ్లతో కూడిన వేర్వేరు జట్లను బీసీసీఐ ప్రకటించింది. అందరూ ఊహించినట్లుగానే టి20 లో హార్దిక్ పాండ్యా నాయకత్వంలో జట్టును ప్రకటించిన బోర్డు, సీనియర్లు రోహిత్ శర్మ, విరాట్ కోహ్లీ, కేఎల్ రాహుల్ తో పాటు రిషబ్ పంత్ పేర్లు లేకుండా జట్టును ప్రకటించింది.
2024 టీ20 వరల్డ్ కప్ ను దృష్టిలో ఉంచుకొని యువ ఆటగాళ్లతో టి20 జట్టు ప్రత్యేకంగా తీర్చిదిద్దాలనే ఆలోచనతో ఉన్న బోర్డు, అందుకు తగ్గట్టుగానే శ్రీలంకతో సిరీస్ కు జట్టును ప్రకటించింది. టీ20 లో అద్భుత ఆటతీరు కనబరుస్తోన్న సూర్య కుమార్ యాదవ్ కు పొట్టి ఫార్మాట్లో వైస్ కెప్టెన్ గా ప్రమోషన్ కల్పించింది. బంగ్లాదేశ్ తో జరిగిన మూడో వన్డేలో డబుల్ సెంచరీ తో సత్తా చాటిన ఇషాన్ కిషన్ ను లంకతో టి20 లకు ఎంపిక చేసిన బీసీసీఐ, రిషబ్ పంత్ స్థానంలో సంజు శాంసన్ ను వికెట్ కీపర్ గా ఎంపిక చేసింది.
