RRR మూవీ తర్వాత జూ.ఎన్టీఆర్ స్పీడ్ కాస్త తగ్గింది. తన తదుపరి సినిమా ఇప్పటి వరకు షురూ చేయలేదు. మొన్నటిదాకా RRR మూవీ జపాన్ ప్రమోషన్స్లో బిజీగా ఉన్నాడు. అయితే ఎన్టీఆర్ నెక్స్ట్ సినిమా ఏంటని ఫ్యాన్స్ చాలా ఉత్సాహంగా ఎదురుచూస్తున్నారు. కానీ తారక్ మాత్రం ఈ విషయంపై ఇంకా క్లారిటీ ఇవ్వలేదు. అయితే RRR తర్వాత తన తదుపరి మూవీ కొరటాల శివతో చేయబోతున్నట్లు ఎన్టీఆర్ గతంలోనే ప్రకటించాడు. ప్రకటన తప్ప ఈ మూవీకి సంబంధించి ఇప్పటివరకు ఒక్క అప్డేట్ కూడా రాలేదు.
ఈ క్రమంలో ఈ మూవీ టీమ్ త్వరలోనే NTR30 సెట్స్పైకి వెళ్తున్నట్లు తెలిపింది. మూవీకి సంబంధించి డైరెక్టర్ కొరటాల శివ, డీఓపీ రత్నవేలు, ప్రొడక్షన్ డిజైనర్ సాబు సిరిల్ తమ వర్క్ని స్పీడప్ చేశారని సమాచారం. తాజాగా ఈ సినిమాకు సంబంధించి ఓ ఇంట్రెస్టింగ్ టాపిక్ నెట్టింట్లో వైరల్ అవుతోంది. అదేంటంటే.. తారక్కు జోడీగా నటించబోయే హీరోయిన్ గురించి తెగ చర్చ నడుస్తోంది. ఈ క్రమంలోనే ఎన్టీఆర్కు జోడీగా బాలీవుడ్ బ్యూటీ జాన్వీ కపూర్ నటించనున్నట్లు తెలుస్తోంది. కానీ దీనికి సంబంధించి ఇప్పటి వరకు అధికారిక ప్రకటన రాలేదు.
ఇటీవలే జాన్వీ తన మూవీ మిలీ ప్రమోషన్స్లో భాగంగా ఓ ఇంటర్వ్యూలో తనకు టాలీవుడ్లో వర్క్ చేయాలని చెప్పింది. అంతేకాకుండా తనకు ఎన్టీఆర్ అంటే చాలా ఇష్టమని.. తారక్తో పని చేయాలని ఉందని కూడా చెప్పింది. ఇప్పుడు NTR30లో జాన్వీని ఎంపిక చేసినట్లు వస్తున్న వార్తలు చూస్తుంటే ఈ బ్యూటీ ఆశ నెరవేరుతున్నట్లే కనిపిస్తోంది. ఇదే నిజమైతే మొత్తానికి జాన్వీ తనకు ఇష్టమైన టాలీవుడ్లో తన ఫేవరెట్ హీరో సినిమాతోనే ఎంట్రీ ఇస్తుందన్నమాట.
