ఏపీ ప్రభుత్వం జూనియర్ డాక్టర్లకు గుడ్ న్యూస్ చెప్పింది. జూనియర్ డాక్టర్లకు స్టైఫండ్‌ పెంచుతూ నిర్ణయం తీసుకుంది. ఈ మేరకు వైద్యారోగ్య శాఖ ఉత్తర్వులు జారీ చేసింది. పీజీ మొదటి సంవత్సరం విద్యార్థులకు ₹44 వేల నుంచి ₹50,686కు, ద్వితీయ సంవత్సరం విద్యార్థులకు ₹46 వేల నుంచి ₹53వేలకు, మూడో సంవత్సరం విద్యార్థులకు ₹48,973 నుంచి ₹53,503కు పెంచింది.
ఎంబీబీఎస్ విద్యార్థులకు ₹19,589 నుంచి ₹22,527కు పెంచుతున్నట్లు ప్రభుత్వం.. ఉత్తర్వుల్లో పేర్కొంది. పెంచిన వేతనాలు 2022 జనవరి నుంచి అమలవుతాయని వెల్లడించింది. స్టైఫండ్‌ పెంచాలని జూడాలు గురువారం ప్రభుత్వానికి సమ్మె నోటీసు ఇచ్చిన విషయం తెలిసిందే.
