కేటీఆర్ డ్రగ్స్ వాడుతున్నారంటూ బిజెపి రాష్ట్ర అధ్యక్షుడు బండి సంజయ్ చేసిన ఆరోపణలపై మంత్రి కేటీఆర్ స్ట్రాంగ్ కౌంటర్ ఇచ్చారు. సిరిసిల్ల జిల్లా కేంద్రంలో ఏర్పాటు చేసిన ప్రెస్ కాన్ఫరెన్స్లో డ్రగ్స్ విమర్శలపై ఓ విలేకరి అడిగిన ప్రశ్నకు కేటీఆర్ ఈ విధంగా సమాధానమిచ్చారు.
“డ్రగ్స్ టెస్టుకు ఏదంటే అది ఇస్తా. నేను డ్రగ్స్ టెస్ట్ కు రెడీ. ఏ డాక్టర్ ని తెస్తాడో తెచ్చుకోమను. నా బొచ్చు ఇస్తా, రక్తం ఇస్తా, నా గోర్లు ఇస్తా, వాడి బొంద ఏం కావాలంటే అది ఇస్తా, నా కిడ్నీ ఇయ్యమంటే కిడ్నీ కూడా ఇస్తా.. నేను క్లీన్ చీట్ తో బయటకి వస్తే.. బండి సంజయ్ కరీంనగర్ చౌరస్తా కమాన్ వద్ద ఆయన చెప్పుతో ఆయనే కొట్టుకుంటాడా? దీనికి సిద్ధమైతే నేను ఇక్కడే ఉంటాను. ఆయనకు ఏమైనా తెలివి ఉందా? ఇదేం రాజకీయం” అని మండిపడ్డారు.
