నిజామాబాద్ మాస్టర్ ప్లాన్ ఉందా.. లేదా అని స్థానిక నేతల్లో అనుమానం వ్యక్తం అవుతుంది. నిజామాబాద్ కార్పొరేషన్ న్యూ మాస్టర్ ప్లాన్ పై అభ్యంతరాలు తీసుకొని, సవరణలు పంపి 8 నెలలు అవుతోంది. అయినా ఇప్పటికీ ఫైనల్ నోటిఫికేషన్ రాలేదు. నెలల గడుస్తున్నా ప్రభుత్వం నుంచి స్పందన లేకపోవడంతో ప్లాన్ ఆమోదం పొందుతుందా? లేదా? అని లీడర్లు అనుమానాలు వ్యక్తం అవుతున్నాయి. వెంటనే నోటిఫికేషన్ విడుదల చేయాలని ఆందోళనకు సిద్ధం అవుతున్నారు స్థానిక లీడర్లు. మరోవైపు మాస్టర్ ప్లాన్లో ఓ వర్గానికి ప్రధాన్యం ఇస్తూ మారుస్తున్నారేమో అని ఆరోపిస్తున్నాయి ప్రతిపక్షాలు.
తెలంగాణ అర్బన్ ఏరియాస్ యాక్ట్ 1975 ప్రకారం 73 గ్రామాల విలీనం చేస్తూ నోటిఫికేషన్ ఇచ్చారు. అనంతరం నిజామాబాద్ కార్పొరేషన్ కొత్త మాస్టర్ ప్లాన్ను 2018 ఆగస్ట్లో రిలీజ్ చేశారు. ఈ మాస్టర్ ప్లాన్లో ప్రధానంగా గాయత్రి నగర్ నుంచి వర్ని రోడ్డు వరకు వంద ఫీట్ల రోడ్డు నిర్మాణంపై అభ్యంతరాలు వ్యక్తం అయ్యాయి. దీని వల్ల సుమారు రెండు వందల కుటుంబాలకు నష్టం కలుగుతోందని వ్యతిరేకత రావడంతో 2019 నవంబర్లో కొత్త మాస్టర్ ప్లాన్ను తెచ్చారు. ఆ ప్లాన్లోనూ వంద ఫీట్ల రోడ్డును సవరించకపోవడంతో స్థానికులు తీవ్ర స్థాయిలో ఆందోళనలు చేయగా.. అధికారులు మళ్లీ 2022 ఫిబ్రవరిలో మరో ప్లాన్ను విడుదల చేశారు. ఈ ప్లాన్లో వంద ఫీట్ల రోడ్డులో ఆశించిన మేర మార్పులు జరగలేదు. పైగా దాని ప్రభావం విలీనమైన 73 గ్రామాల మీద పడుతోందని బాధితులు అంటున్నారు.
