తెలంగాణ రాష్ట్రంలో జరిగిన TSPSC పేపర్ లీక్ ఉదంతం గురించి ఇప్పుడలా మరిచిపోయేలా లేరు. ఎందుకంటే రోజూ దీని పైన అధికార పార్టీ నాయకులు మరియు ప్రతిపక్ష పార్టీలకు చెందిన నాయకులు కామెంట్ లు చేసుకుంటూ కాలం గడిపేస్తున్నారు. తాజాగా ఈ విషయం గురించి మంత్రి హరీష్ రావు మాట్లాడుతూ, మన రాష్ట్రంలో ఇలాంటి ఘటన జరగడం దురదృష్టకరం అంటూ చింతించారు. ఇప్పటి వరకు ప్రతిపక్షాలు మాట్లాడిన మాటలను గుర్తు చేస్తూ … పేపర్ లీక్ అయ్యాక ప్రభుత్వమే అన్ని విషయాలను జాగ్రత్తగా చూసుకుంటూ అభ్యర్థులకు న్యాయం జరిగేలా చూస్తోంది.
ఇందులో ఎక్కడా కూడా ప్రతిపక్షాలు చేసింది ఏమీ లేదు. పేపర్ లీక్ అయిన తర్వాత ఆ విషయాన్ని గుర్తించింది మ ప్రభుత్వం.. దీనికి కారణమైన వారిని అరెస్ట్ చేయించి విచారణ ద్వారా కీలక విషయాలను బయటపెట్టి వారిపై తగిన చర్యలు తీసుకుంటాం. అంతే కాకుండా అతి త్వరలోనే ఆగిపోయిన పరీక్షలను జరిపించి…అర్హత సాధించిన అభ్యర్థులకు ఉద్యోగాలు ఇస్తాము. ఈ విధంగా హరీష్ రావు ప్రతిపక్షాలపై ఫైర్ అయ్యారు.. కాగా అభ్యర్థులకు కూడా భరోసా ఇచ్చే మాటలు చెప్పారు.. మీరు కూడా ప్రతిపక్షాల వలలో పడి నిరసనలు చేసి జీవితాలు నాశనం చేసుకోవద్దు.. అంటూ వారికి ఓదార్పు మాటలు చెప్పారు.
