‘సీతారామం’ సినిమాతో తెలుగు ప్రేక్షకుల మదిలో చెరగని ముద్ర వేసింది మృణాల్ ఠాకూర్. ఆ సినిమా తర్వాత ఈ బ్యూటీకి టాలీవుడ్లో అవకాశాలు వరుసకట్టాయి. మృణాల్.. నేచురల్ స్టార్ నాని 30వ సినిమాలో ఛాన్స్ కొట్టేసిన విషయం తెలిసిందే. ఈ సినిమాకు సంబంధించి పూజా కార్యక్రమాలు కూడా జరిగాయి.
అయితే తాజాగా మృణాల్ బాలీవుడ్ సినిమా గుమరాహ్లో పోలీస్ పాత్రలో నటిస్తోంది. ఏప్రిల్ 7న ఈ మూవీ విడుదల కానున్న నేపథ్యంలో ఓ ఇంటర్వ్యూలో పాల్గొంది మృణాల్. ఈ ఇంటర్వ్యూలో నేచురల్ స్టార్ నానితో చేయనున్న సినిమా (Nani30) స్క్రిప్ట్‌పై ఆసక్తికర వ్యాఖ్యలు చేసింది.
‘‘Nani30 సినిమా గురించి మాట్లాడుతూ తన జీవితంలో అంత మంచి స్క్రిప్ట్‌ను ఇప్పటి వరకు చదవలేదని మృణాల్ చెప్పింది. ఈ సినిమా తొలి షెడ్యూల్‌ పూర్తయినట్లు తెలిపింది. త్వరలోనే రెండో షెడ్యూల్‌ ప్రారంభమవుతుందని.. ఇంత మంచి సినిమాలో నటిస్తున్నందుకు చాలా ఆనందంగా ఉందని చెప్పుకొచ్చింది. నాని 30వ చిత్రంతో సౌరవ్‌ అనే కొత్త దర్శకుడు ఇండస్ట్రీకి పరిచయమవుతున్నాడు.
