ఆగి ఉన్న ఆర్టీసీ బస్సులు వేగంగా దూసుకొచ్చిన కారు ఢీ కొట్టింది. ఈ ఘటనలో నలుగురు వ్యక్తులు దుర్మరణం చెందారు. మృతుల్లో ఓ మహిళ కూడా ఉన్నారు. ఈ దుర్ఘటన కర్ణాటకలో బెంగళూరు- మైసూరు హైవేపై నాగమంగళ సమీపంలో ఇవాళ జరిగింది. గమనించిన స్థానికులు పోలీసులకు సమాచారం అందించారు. ఘటనాస్థలికి చేరుకున్న పోలీసులు మృతులను పోస్టుమార్టం నిమిత్తం స్థానిక ఆస్పత్రికి తరలించారు.
పోలీసులు తెలిపిన వివరాల ప్రకారం.. బెంగళూరు- మైసూరు హైవేపై ఇవాళ ఉదయం కర్ణాటక ఆర్టీసీ బస్సు నిలిచింది. ఆగి ఉన్న ఆ బస్సును అకస్మాత్తుగా ఓ కారు వచ్చి ఢీ కొట్టింది. అయితే వేగంగా వెళ్లడం వల్లే అదుపుతప్పి ఢీ కొట్టినట్లు తెలుస్తోంది. ఈ ప్రమాదంలో నలుగురు సాఫ్ట్వేర్ ఇంజినీర్లు మరణించారు. వారిలో ఓ మహిళ కూడా ఉన్నారు. వీళ్లంతా బెంగళూరుకు చెందినవారని తెలుస్తోంది. అయితే వారు మద్యం మత్తులో అయినా లేదా నిద్ర మత్తులోనో కారు నడపడం వల్ల ప్రమాదం జరిగి ఉంటుందని పోలీసులు భావిస్తున్నారు.
