యంగ్ హీరో నిఖిల్ నటిస్తున్న తాజా చిత్రం ‘స్పై’ ఇప్పటిక ప్రేక్షకుల్లో ఎలాంటి అంచనాలు క్రియేట్ చేసిందో మనం చూశాం. ఈ సినిమాను పూర్తి స్పై థ్రిల్లర్ మూవీగా చిత్ర యూనిట్ తెరకెక్కిస్తున్నట్లు గతంలోనే వెల్లడించింది. ఈ సినిమాలో నిఖిల్ పాత్ర అల్టిమేట్‌గా ఉండబోతుందని చిత్ర యూనిట్ ఇప్పటికే తెలపడంతో ఈ సినిమాను ఎప్పుడెప్పుడు రిలీజ్ చేస్తారా అని అందరూ ఆసక్తిగా చూస్తున్నారు.
ఇక ప్రస్తుతం నిఖిల్ చేతిలో మూడు సినిమాలున్నాయి. అందులో ‘స్పై’ ఒకటి.ఇప్పటికే రిలీజైన ఫస్ట్‌లుక్‌ పోస్టర్‌, గ్లింప్స్‌ సినిమాపై ఎక్కడలేని అంచనాలు క్రియేట్ చేశాయి.
తాజాగా మేకర్స్ ఈ సినిమాకు సంబంధించిన రెండు బిగ్‌ అప్‌డేట్‌లను ప్రకటించారు. ఈ సినిమాను జూన్ 29న పాన్‌ ఇండియా లెవల్లో రిలీజ్ చేస్తున్నట్లు ప్రకటించారు. దీనితో పాటు ఈ సినిమా టీజర్‌ను మే 12న రిలీజ్ చేయబోతున్నట్లు తెలిపారు. ఈ మేరకు చిత్రబృందం ఓ వీడియోను విడుదల చేసింది. కార్తికేయ2 తర్వాత వస్తున్న మరో నేషనల్‌ థ్రిల్లర్ అని, స్వాతంత్రోద్యమ నేత సుభాష్ చంద్రబోస్‌కి సంబంధించిన రహస్యాన్ని ఈ సినిమాలో చూపించబోతున్నట్లు వీడియోలో తెలిపారు.
