కోలీవుడ్లో ఆండ్రియాకి ప్రత్యేకమైన ఇమేజ్ ఉంది. సస్పెన్స్ థ్రిల్లర్ .. యాక్షన్ థ్రిల్లర్ సినిమాలను చేయడానికి ఆమె ఆసక్తిని చూపుతూ వచ్చింది. తమిళంలో ఆమె చేసిన ఒక సినిమా త్వరలో తెలుగు ప్రేక్షకులను పలకరించడానికి రెడీ అవుతోంది. ఆ సినిమా పేరే ‘నో ఎంట్రీ’. శ్రీధర్ నిర్మించిన ఈ సినిమాకి అలుగు కార్తీక్ దర్శకత్వం వహించాడు. అజేశ్ బ్యాక్ గ్రౌండ్ స్కోర్ ను అందించిన ఈ సినిమా నుంచి కొంతసేపటి క్రితం ఒక ట్రైలర్ ను రిలీజ్ చేశారు.
ఇది ఫారెస్టు నేపథ్యంలో .. అడవి కుక్కలకి సంబంధించిన కథ అనే విషయం ఈ ట్రైలర్ వలన అర్థమవుతోంది. “ఒక సైంటిస్ట్ అడవి కుక్కలపై రీసెర్చ్ చేస్తాడు .. అవి కరిచిన కొద్ది సేపటికే మనుషులకు వాటి లక్షణాలు వస్తుంటాయి. ఆ ఫారెస్టుకి వెళ్లిన సైంటిస్ట్ అదృశ్యం కావడంతో, అతని ఆచూకీ తెలుసుకోవడం కోసం అతని కూతురు తన ఫ్రెండ్స్ తో కలిసి అక్కడికి వెళుతుంది. అక్కడ చిక్కుబడిన ఆ టీమ్ ఎలా బయటపడిందనేదే కథ. అలగుకార్తీక్ ఈ మూవీ డైరెక్ట్ చేశాడు. ఈ హై యాక్షన్ డ్రామా ట్రైలర్ చాలా ఆసక్తికరంగా సాగింది. ఇండియా, పాకిస్థాన్ బోర్డర్ లోని కుక్కలకు ఉన్న బలాన్ని మరింత పెంచే ఉద్దేశంతో ఓ సైంటిస్ట్ కనిపెట్టిన మందు ఓ కొత్త వైరస్ కు కారణం కావడం, ఆ వైరస్ ను కుక్కలు మనుషులకు అంటించడానికి చేసే ప్రయత్నం, వాటి నుంచి బయటపడటానికి ఈ మూవీలో ఫిమిల్ లీడ్, ఆమె టీమ్ పడే పాట్లతో ట్రైలర్ ఇంట్రెస్టింగా ఉంది.
