మనకు వుండే ముఖ్యమైన డాక్యుమెంట్స్ లో ఆధార్ కార్డు ఒకటి. ఆధార్ కార్డు వలన ఎన్నో ఉపయోగాలు ఉంటాయి. ఆధార్ కార్డు ప్రతీ ఒక్కరికీ ఉండాలి. భారతదేశంలోని ప్రతి నివాసికి ఆధార్ కార్డ్ యూనిక్ ఐడెంటిఫికేషన్ అథారిటీ ఆఫ్ ఇండియా ద్వారా జారీ చేయబడుతుంది. 12-అంకెల వ్యక్తిగత గుర్తింపు సంఖ్య ఇండియాలో ఎక్కడైనా కూడా గుర్తింపుగా అడ్రెస్ ప్రూఫ్ గా పని చేస్తుంది. ఆధార్ ప్రామాణికతను ఉంచడానికి, ఆధార్ ధృవీకరణ, వివరాలను అప్డేట్ చేసుకోవాలి. ఆధార్ చట్టం, 2016లోని సెక్షన్ 7 కింద వచ్చే లాభాలు, సేవలు, రాయితీలను పొందడం కోసం ఆధార్ నంబర్ చెల్లుబాటవుతుందా, డీయాక్టివేట్ చేయబడలేదా అనేది చెక్ చేసేందుకు ఎవరైనా ఆధార్‌ను ధృవీకరించాల్సి ఉంటుంది.
ఆధార్ నంబర్‌ను వరుసగా మూడు ఏళ్ళు వాడకపోయినా, బయోమెట్రిక్‌లు సరిపోలేకపోయినా, బహుళ పేర్లను అకౌంట్ లో కలిగి ఉండటం లేదా పిల్లలకు 5, 15 ఏళ్లు వచ్చినప్పుడు బయోమెట్రిక్‌లను అప్డేట్ చేయకపోవడం ఇలాంటి వాటి వలన ఆధార్ నంబర్ నిష్క్రియం చేయబడవచ్చు. అలా కాకుండా ధృవీకరించడానికి పలు మార్గాలున్నాయి. ఇక వివరాలని చూస్తే.. అధికారిక UIDAI వెబ్‌సైట్‌ను ఉపయోగించవచ్చు, టోల్-ఫ్రీ నంబర్ 1947కు కాల్ చేయవచ్చు లేకపోతే ఆధార్ నమోదు కేంద్రాన్ని సందర్శించవచ్చు. అయితే ఆధార్ కార్డ్, ఇ-ఆధార్ లేదా ఆధార్ PVCలో QR కోడ్‌ని స్కాన్ చేయడం మంచి పద్దతి. QR కోడ్ స్కాన్ చేస్తే అన్నీ మీ ముందుకే వచ్చేస్తాయి.
డిజిటల్ సంతకంతో పేరు, లింగం, పుట్టిన తేదీ, చిరునామా, ఫోటో వంటి మీ బయోగ్రాఫ్ వివరాలని చూపిస్తుంది. QR కోడ్‌ని ఉపయోగించి ఎలా చెక్ చెయ్యాలంటే.. Google Play Store లేదా App Store నుండి mAadhaar యాప్‌ను డౌన్‌లోడ్ చేసుకోవాలి. యాప్‌ని తెరిచి QR కోడ్ చిహ్నంపై నొక్కండి. తర్వాత మీరు ధృవీకరించాలనుకునే ఆధార్ కార్డ్, ఇ-ఆధార్ లేదా ఆధార్ PVCపై వున్నా QR కోడ్‌పై మీ ఫోన్ కెమెరాను సూచించండి. ఆన్‌లైన్‌లో లేదా ఆఫ్‌లైన్‌లో ఏవైనా మార్పులు ఉంటే అప్డేట్ చెయ్యచ్చు. UIDAI అధికారిక వెబ్‌సైట్ ద్వారా ఆన్‌లైన్‌లో సరి చెయ్యచ్చు. మీ పేరు, పుట్టిన తేదీ లేదా బయోమెట్రిక్ డేటాను ఆధార్ నమోదు కేంద్రంలో బయోమెట్రిక్ ప్రమాణీకరణను ఇవ్వాలి.
